30.05.2026 | 10:10
Տապալված ծառեր, պոկված թիթեղներ․ քամու հետևանքները Երևանում և մարզերում
Հունաստանի վարչապետը հայտնել է մայիսին Թուրքիա այցելելու մտադրության մասին
Քաղաքականություն
12.03.2024 | 22:13
Հունաստանի վարչապետ Կիրիակոս Միցոտակիսը հայտարարել է մայիսին Անկարա այցելելու ծրագրերի մասին, ինչը երկու պատմական հակառակորդների միջև դիվանագիտական ջերմացման քայլերից է դեկտեմբերին Թուրքիայի նախագահ Ռեջեփ Թայիփ Էրդողանի՝ Աթենք այցից հետո, գրում է Reuters-ը։
«Կարծում եմ, որ թուրքական ղեկավարության կողմից կա նաև անկեղծ պատրաստակամություն, որ մենք կարողանանք հաղթահարել մեր տարաձայնությունները՝ առնվազն լարվածությունից խուսափելու համար»,- ասել է Միցոտակիսը հունական Skai TV հեռուստաալիքին տված հարցազրույցում:
Երկու երկրները բարձր մակարդակի քայլեր են ձեռնարկու՝ բարելավելու իրենց կապերը վերջին տարիներին, հատկապես այն բանից հետո, երբ Ռուսաստանը 2022 թվականին ներխուժեց Ուկրաինա:
Երեք ամիս առաջ Էրդողանի՝ Հունաստան կատարած այցի ժամանակ կողմերը պայմանավորվել են խթանել առևտուրը, բաց պահել կապի ուղիները, որոնել ռազմական վստահության միջոցներ՝ լարվածությունը նվազեցնելու համար, ինչպես նաև աշխատել իրենց բաժանող հարցերի ուղղությամբ, հատկապես՝ Էգեյան ծովում:
