14.01.2026 | 23:33
Կառավարությունը փոփոխություն է առաջարկում ավագանու անդամների հրաժարականի կարգում
Գավառի ավագ դպրոցի և Երևանի թիվ 105 ավագ դպրոցի կարճամետրաժ ֆիլմերը՝ ՅՈՒՆԵՍԿՕ-ի դպրոցական մրցույթում ընտրված 20 ֆիլմերի ցանկում
Մշակույթ
09.03.2024 | 18:07
Գավառի ավագ դպրոցի և Երևանի թիվ 105 ավագ դպրոցի ներկայացրած կարճամետրաժ ֆիլմերը հայտնվել են ՅՈՒՆԵՍԿՕ-ի կազմակերպած «Երբ ձայնը ստեղծում է պատկեր» միջազգային դպրոցական մրցույթում ընտրված 20 ֆիլմերի կարճ ցանկում։ Այս մասին տեղեկացնում են ԿԳՄՍ նախարարությունից։ Այդ ֆիլմերը մայիսի 16-ին կցուցադրվեն Կաննում` փառատոնի մեկնարկին։
«Մրցույթին մասնակցել է 32 երկիր՝ ներկայացնելով 210 տեսանյութ։ Հայաստանից մրցույթին մասնակցել է ՅՈՒՆԵՍԿՕ-ի ասոցացված դպրոցների ցանցի 12 դպրոց, որոնցից երկուսը տեղ են գտել կարճ ցանկում՝ Գավառի ավագ դպրոցը՝ «Խաղաղություն» ֆիլմով և Երևանի թիվ 105 ավագ դպրոցը՝ «Լույս» ֆիլմով։
Գրան պրիի, ժյուրիի մրցանակի և Հատուկ հիշատակման հաղթողները կընտրվեն Կաննի ժյուրիի կողմից՝ ՅՈՒՆԵՍԿՕ-ի կրթության հարցերով գլխավոր տնօրենի օգնական Ստեֆանիա Ջանինիի նախագահությամբ՝ մարտի 11-ին։
Դափնեկիրներին մրցանակները կհանձնվեն Ալեքսանդր III թատրոնում»,- ասված է հաղորդագրության մեջ:
