16.02.2026 | 19:13
IDBank-ը ներկայացուցչություն է բացել ԱՄՆ Կալիֆորնիա նահանգի Գլենդել քաղաքում
Խաչիկցիները շնորհակալություն են հայտնել վարչապետին վարկերի ներման համար. ՏԵՍԱՆՅՈՒԹ
Քաղաքականություն
09.03.2024 | 17:50
Հայաստանի Հանրապետության վարչապետ Նիկոլ Փաշինյանն այսօր` մարտի 9-ին, աշխատանքային այց է կատարել Արենի համայնք` հանդիպելով Խաչիկ բնակավայրի բնակիչների հետ։
Վարչապետին ուղեկցել են ՀՀ Տարածքային կառավարման և ենթակառուցվածքների նախարար պարոն Գնել Սանոսյանը, ՀՀ Վայոց ձորի մարզպետ Կոլյա Միքաելյանը և Արենի համայնքի ղեկավար Հուսիկ Սահակյանը։
«Բնակիչները նախ շնորհակալություն են հայտնել բնակավայրի համար կարևոր որոշման` վարկերի ներման համար, ապա ներկայացրել իրենց առավել հուզող խնդիրները` տարբեր ոլորտներում»,- ասված է Արենիի համայնքապետարանի տարածած հաղորդագրության մեջ։
Հիշեցնենք՝ օրեր առաջ վարչապետը կառավարության նիստի ընթացքում անդրադարձել էր Խաչիկ գյուղի բնակիչների խնդրին՝ նշելով, որ Վայոց ձորի մարզի Խաչիկ բնակավայրում շատ երկար ժամանակ մի պրոբլեմ գոյություն ունի, շատ խառը մի պատմություն, երբ գյուղի երկու բնակիչներ վարկ են վերցրել և գործնականում ամբողջ գյուղին դարձրել են վարկի երաշխավոր, և ամբողջ գյուղը հայտնվել է սև ցուցակում։
Կառավարության որոշմամբ՝ Խաչիկ սահմանամերձ բնակավայրի խնդիրների լուծման համար Վայոց ձորի մարզպետի աշխատակազմին 65,724․0 հազար դրամ կհատկացվի։
