14.01.2026 | 23:33
Կառավարությունը փոփոխություն է առաջարկում ավագանու անդամների հրաժարականի կարգում
«Ֆրանսիան, որտեղ կոպտորեն խախտվում են մարդու իրավունքները, Ադրբեջանի դեմ մեղադրանքներ առաջադրելու բարոյական իրավունք չունի». Բաքվի ԱԳՆ
Քաղաքականություն
08.03.2024 | 22:46
Պաշտոնական Բաքուն կանխակալ և չհիմնավորված է համարում Ադրբեջանում խոսքի ազատության դեմ ոտնձգությունների և կամայական ձերբակալությունների մասին Ֆրանսիայի Եվրոպայի և արտաքին գործերի նախարարության հայտարարությունները:
«Նման անհիմն և կանխակալ հայտարարությունները մենք գնահատում ենք որպես միջամտություն Ադրբեջանի ներքին գործերին, քննչական գործընթաց և դատական իշխանության անկախություն»,- ասվում է Ադրբեջանի արտաքին քաղաքական գերատեսչության հայտարարության մեջ:
Ադրբեջանի ԱԳՆ-ն ընդգծել է, որ Ադրբեջանում լիովին ապահովվում են հիմնարար իրավունքներն ու ազատությունները, ինչպես նաև ԶԼՄ-ների ազատությունը:
«Ֆրանսիան, որտեղ կոպտորեն խախտվում են մարդու իրավունքները, անկարգությունների ժամանակ ցուցարարներ են զոհվում, լայն տարածում են գտնում կաշառակերությունն ու կոռուպցիան օրենսդիր կառույցներում, իսլամաֆոբիան և հարձակումները մուսուլմանների վրա, և որտեղ միջոցներ չեն ձեռնարկվում մարդու իրավունքների մի շարք այլ խախտումներ կանխելու համար, բարոյական իրավունք չունի մեղադրանքներ հնչեցնել Ադրբեջանի դեմ»,- ասվում է հաղորդագրության մեջ:
Ավելի վաղ Ֆրանսիայի ԱԳՆ-ն հայտարարություն էր տարածել, որում մտահոգություն էր հայտնել Ադրբեջանում խոսքի ազատության հետ կապված իրավիճակի կապակցությամբ: Փարիզը երկրի իշխանություններին կոչ է արել հարգել մամուլի և ինքնարտահայտման ազատությունը՝ հանրապետության միջազգային պարտավորություններին համապատասխան:
