03.06.2026 | 00:40
Փաշինյանը Էրդողանի հետ քննարկել է Ախալքալաք–Կարս երկաթուղով Հայաստանից արտահանումների հարցը
Մուրմանսկում դատավորը Նավալնիի լուսանկարը «ծայրահեղական քարոզչություն» է հայտարարել
Քաղաքականություն
08.03.2024 | 23:21
Մուրմանսկում դատավորը Նավալնիի լուսանկարը «ծայրահեղական քարոզչություն» է որակել։ Նախկինում նա նույն կերպ էր վարվել քաղաքական գործչի ազգանվան հետ կապված, գրում է Current Time-ը։
Մուրմանսկի Օկտյաբրսկի դատարանի դատավոր Ռոման Գիրիչը իր որոշմամբ օրենքից դուրս է հայտարարել փետրվարի 16-ին Յամալի գաղութում մահացած ընդդիմադիր քաղաքական գործիչ Ալեքսեյ Նավալնիի կերպարը։ «Նովայա գազետա»-ն ուշադրություն է հրավիրել դատավորի որոշման մեջ տեղ գտած ձևակերպումների վրա։
Դրանում ասվում է, որ «Նավալնիի լուսանկարի հրապարակային ցուցադրումը ատրիբուտների քարոզչություն է և ծայրահեղական կազմակերպության խորհրդանիշ»։
Որոշումն ընդունվել է Մուրմանսկից ակտիվիստ Վիկտորյա Նագորնիխի դեմ «ծայրահեղական խորհրդանիշներ»-ի ցուցադրման վերաբերյալ (Վարչական օրենսգրքի 20.3-րդ հոդված) վարչական գործով։ Արձանագրության պատճառը Նավալնիի հետ լուսանկարն էր՝ «անմահ» մակագրությամբ։ Այդ պատճառով նա յոթ օրով ձերբակալվել է։
