12.08.2026 | 00:10
«Արարատ-Արմենիան» դուրս մնաց Չեմպիոնների լիգայից. ՏԵՍԱՆՅՈՒԹ
Բաքվում ոստիկանությունը խոչընդոտել է ֆեմինիստուհիների ակցիային․ ԼՈՒՍԱՆԿԱՐՆԵՐ
Քաղաքականություն
09.03.2024 | 19:54
Մի խումբ ֆեմինիստ ակտիվիստներ երեկ բողոքի ցույց են անցկացրել Բաքվի կենտրոնում «Մարտի 8․ դիրքորոշում ենք արտահայտում» կարգախոսով, գրում են տեղական լրատվամիջոցները։
Հաղորդվում է, որ ոստիկանությունը փորձել է խանգարել ակցիայի անցկացմանը։ Ակցիայի կազմակերպիչների խոսքով՝ ոստիկանները փակել են ակցիայի վայր տանող ճանապարհները և որոշ մասնակիցների թույլ չեն տվել գնալ այնտեղ։ Նրանք ակտիվիստներից նաև խլել են քաղաքական բովանդակությամբ պաստառները։
Մասնակիցները պահանջել են վերջ տալ կանանց նկատմամբ ընտանեկան բռնությանը, ապահովել նրանց սոցիալական և տնտեսական ազատությունը, գործնականում կիրառել նրանց իրավունքների պաշտպանության համար ընդունված օրենքները, վերջ տալ հաշմանդամություն ունեցող կանանց նկատմամբ խտրականությանը և դատապարտել վաղ ամուսնությունները:
Ֆեմինիստուհիները նաև պահանջել են բանտից ազատ արձակել երիտասարդ լրագրողներ Սևինջ Վաքըֆքիզիին, Նարգիզ Աբսալամովային և Էլնարա Գասիմովային, որոնք ձերբակալվել են «Աբզաս Մեդիա»-ի գործով։
Ակցիայի ընթացքում հնչել են «Վերջ գենդերային բռնությանը», «Վերջ վաղ ամուսնություններին», «Մի՛ հաշտվեք, այլ հետաքննեք (կանանց նկատմամբ բռնությունը)», «Պաշտպանի՛ր աղջկան, պաշտպանիր ապագան» և այլ կարգախոսներ։
Այս անգամ ոստիկանները բողոքի ակցիայի մասնակիցներին չեն ձերբակալել։
Էմմա Չոբանյան
