14.12.2024 | 19:57
Ինչ իրավիճակ է ճանապարհներին 19։35-ի դրությամբ
Բայդենը հայտարարել է Գազայում մարդասիրական օգնության մատակարարման նավամատույց ստեղծելու մասին
Քաղաքականություն
08.03.2024 | 20:31
ԱՄՆ նախագահ Ջո Բայդենը, ելույթ ունենալով Կոնգրեսում իր ամենամյա ուղերձով, հայտարարել է, որ հանձնարարել է Գազայի հատվածում մարդասիրական օգնության մատակարարման ժամանակավոր նավամատույց ստեղծել։ Միաժամանակ նա ընդգծել է, որ անկլավում ամերիկացի զինվորականների ներկայություն չի սպասվում։
«Այսօր ես հանձնարարեցի ԱՄՆ բանակին ղեկավարել արտակարգ առաքելություն Գազայի հատվածի ափին՝ Միջերկրական ծովում ժամանակավոր նավամատույց ստեղծելու համար, որը կկարողանա ընդունել մեծ նավեր՝ սնունդով, ջրով, դեղորայքով և ժամանակավոր ապաստարանների համար շինարարական նյութերով», – ասել է Բայդենը:
Ըստ ԱՄՆ նախագահի՝ Իսրայելը նույնպես պետք է օգնի Գազայի բնակիչներին մարդասիրական օգնություն տրամադրելու հարցում։ Նա կոչ է արել իսրայելական կողմին թույլ տալ ավելի շատ մարդասիրական օգնություն հասցնել անկլավ և ապահովել հումանիտար աշխատողների անվտանգությունը։
«Մարդասիրական օգնությունը չի կարող լինել երկրորդական գործոն կամ սակարկության առարկա։ Անմեղ մարդկանց կյանքը պաշտպանելն ու փրկելը պետք է առաջնահերթություն լինի»,- ասել է նա՝ դիմելով Իսրայելի իշխանություններին։
