Քաղաքականություն
07.03.2024 | 21:55
Ադրբեջանը պատրաստվում է էթնիկ զտման ենթարկված Արցախի շրջաններում տեղական ինքնակառավարման մարմինների ընտրությունների անցկացնել, չնայած այն հանգամանքին, որ այնտեղ բնակչություն չկա։ Այս մասին հայտարարել է Ադրբեջանի ԿԸՀ նախագահ Մազախիր Փանախովը։
Ըստ նրա՝ այս տարի ՏԻՄ ընտրություններ են անցկացվելու Շուշիում, Բերձորում, Վարանդայի, Մարտակերտի շրջաններում։
Չի նշվում, թե ընտրությունները երբ են անցկացվելու, սակայն 2019 թվականի ՏԻՄ ընտրություններն անցկացվել էին դեկտեմբերին։
Հավելենք, որ փետրվարի 7-ի արտահերթ նախագահական ընտրությունների համար Բաքուն Արցախում կազմակերպել էր ընտրական շոու՝ հայկական բնակավայրերում 26 ընտրատեղամաս ստեղծելով։ Ադրբեջանը մոտ 23,000 ընտրողի էր գրանցել Արցախում ընտրություններին մասնակցելու համար։
Էմմա Չոբանյան
