07.11.2026 | 12:54
Գևորգ Էմին-Տերյանի նկատմամբ ֆիզիկական ներգործության կատարելու կասկածանքով 3 անձ է ձերբակալվել. ՆԳՆ
Մահ նկարահանման հրապարակում. Ալեք Բոլդուինի ֆիլմի մենեջերը մեղավոր է ճանաչվել չկանխամտածված սպանության համար
Քաղաքականություն
07.03.2024 | 23:21
Լուրեր
07.11.2026 | 11:55
Երևանի կենտրոնում փոշու պարունակությունը հինգ օր գերազանցել է թույլատրելի սահմանը
07.11.2026 | 09:42
Հայաստանը, ԱՄՆ-ն և Ադրբեջանը սկսել են TRIPP-ի տեխնիկական պլանավորման աշխատանքները
«Rust» ֆիլմի ռեկվիզիտոր Հաննա Գուտիերես-Ռիդը մեղավոր է ճանաչվել օպերատոր Գալինա Հաթչինսի մահվան գործով: Նկարահանումների ժամանակ զենքի համար պատասխանատու էր Գուտիերես-Ռիդը, և երդվյալ ատենակալները եկել են այն եզրակացության, որ նրա մեղավորությունն էր, որ դատարկ փամփուշտների մեջ մարտական փամփուշտ է հայտնվել, գրում է BBC-ի ռուսական ծառայությունը։
Ուկրաինացի օպերատոր Գալինա Հաթչինսը մահացել է «Rust» ֆիլմի նկարահանումների ժամանակ ԱՄՆ-ում 2021 թվականի հոկտեմբերին։ Ֆիլմի առաջատար դերասան և պրոդյուսեր Ալեք Բոլդուինը փորձել է ատրճանակով շարժումը, սեղմել ձգանը, և պարզվել է, որ զենքը լիցքավորված է եղել մարտական փամփուշտով։ Գնդակը սպանել է Հաթչինսին և վիրավորել ֆիլմի ռեժիսոր Ջոել Սոուզային։
Ալեք Բոլդուինին նույնպես սպառնում է դատավարություն՝ չկանխամտածված սպանության մեղադրանքով: Ռեկվիզիտորի գործով դատավճիռը կարող է օգնել նրա․ փաստաբաններն այժմ կարող են պնդել, որ Գուտիերես-Ռիդի մեղավորությամբ է մարտական փամփուշտը հայտնվել նկարահանման հրապարակում, իսկ նրանց պաշտպանյալը չէր կարող իմանալ այդ մասին։
Հաննա Գուտիերես-Ռիդին սպառնում է մինչև երեք տարվա ազատազրկում։
