23.11.2024 | 00:35
Թրամփի հետ հեռախոսազրույցը տեղեկատվական էր, բայց նաև շատ պոզիտիվ. Փաշինյան. ՏԵՍԱՆՅՈՒԹ
Բաքուն շարունակում է անկախ ԶԼՄ-ի նկատմամբ ճնշումները․ խուզարկել են Toplum TV-ի խմբագրությունը
Քաղաքականություն
06.03.2024 | 21:57
Ադրբեջանի ոստիկանությունը խուզարկություն է անցկացրել անկախ Toplum TV-ի խմբագրությունում, ձերբակալվածներ կան։ ՆԳՆ մամուլի ծառայության ղեկավար Էլշադ Հաջիևը հայտնել է, որ օպերատիվ-որոնողական աշխատանքներ են իրականացվել մայրաքաղաքի Նարիմանովի շրջանի 98Բ հասցեում գտնվող գրասենյակում մի խումբ անձանց գործունեության մասին ստացված տեղեկատվության հիման վրա:
Լրատվամիջոցի ղեկավար, հետաքննող լրագրող Խադիջա Իսմայիլովան Turan-ի հետ զրույցում հաստատել է խուզարկության փաստը՝ նշելով, որ խուզարկության ժամանակ խմբագրությունում չի եղել։
«Ես հիվանդ եմ, մանրամասները չգիտեմ, հիմա գնում եմ խմբագրություն»,- ասել է նա։
Լրատվամիջոցի աշխատակից Ալիյա Յագուբլուն էլ հայտնել է, որ իրեն թույլ չեն տվել մտնել գրասենյակ։
Սոցցանցերում տեղեկություններ են տարածվում նաև մի շարք ակտվիստների ձերբակալման մասին։
Toplum TV-ն անկախ առցանց ռեսուրս է, որը հարթակ է տրամադրում հասարակական-քաղաքական և սոցիալ-տնտեսական իրադարձությունների վերաբերյալ տարբեր կարծիքներ արտահայտելու համար:
Հավելենք, որ 2023 թվականի նոյեմբերից Ադրբեջանում տասնյակից ավելի անկախ ու ընդդիմադիր լրագրողներ, ակտիվիստներ ու գործիչներ են ձերբակալվել, որոնց միջազգային կառույցները համարում են քաղբանտարկյալ և նրանց ազատ արձակելու կոչ են անում։
Էմմա Չոբանյան
