ՌՈ տարածքում գործող ավտոլվացման կետն ապօրինի՞ է. ՊԵԿ-ը համապատասխան միջոցներ է ձեռնարկում

Լուրեր

16.05.2025 | 09:47
Ֆիդանը Ստամբուլում հանդիպել է ռուսական պատվիրակությանը․ այսօր սպասվում են ռուս-ուկրաինական բանակցությունները
16.05.2025 | 09:39
ՀՀ տարածքում ավտոճանապարհներն անցանելի են
16.05.2025 | 09:27
Նիկոլ Փաշինյանը հանդիպում է ունեցել Անտոնիու Կոշտայի և Ուրսուլա Ֆոն դեր Լայենի հետ
15.05.2025 | 23:31
Ադրբեջանում 2024 թվականին զոհվել է 51 զինծառայող, 2025-ի առաջին հինգ ամիսներին` 14 զինծառայող
15.05.2025 | 23:23
Տեղի է ունեցել Հանրային խորհրդի երկրորդ նիստը՝ նվիրված պետական գնումների հիմնախնդիրներին
15.05.2025 | 23:07
Իրանը պատրաստ է որոշակի պայմաններով, տնտեսական պատժամիջոցների վերացման դիմաց միջուկային գործարք կնքել ԱՄՆ-ի հետ
15.05.2025 | 22:55
Ալեքսիս Օհանյանը գնել է «Չելսի» ֆուտբոլային ակումբի կանանց թիմի 10% բաժնեմասը
15.05.2025 | 22:47
Գետարգել-Ջրվեժ ավտոճանապարհին բախված ավտոմեքենաներից մեկի վարորդը հոսպիտալացվել է
15.05.2025 | 22:36
Փեզեշքիանը կտրուկ է արձագանքել Թրամփի հակաիրանական արտահայտություններին, իսկ ԱՄՆ-ն Թեհրանին միջուկային գործարքի առաջարկ է ներկայացրել
15.05.2025 | 22:26
Նիկոլ Փաշինյանը Ալբանիայում պատասխանել է Ադրբեջանի Առաջին ալիքի լրագրողի հարցերին․ ՏԵՍԱՆՅՈՒԹ
15.05.2025 | 22:12
ՀՊԼ-ից հեռացված Վեստ Արմենիան հանդես է եկել պաշտոնական հայտարարությամբ
15.05.2025 | 22:00
Ո՞րն է լինելու ԱԺ-ում հնչած սեռական հայհոյանքների հետևանքը. Լևոն Քոչարյանը և Արսեն Թորոսյանը զղջման խոսքեր չեն ասում․ ՏԵՍԱՆՅՈՒԹ
15.05.2025 | 21:55
Հնդիկները չեղարկում են Թուրքիայի և Ադրբեջանի հանգստավայրերում ծրագրած արձակուրդները՝ Պակիստանին այս երկրների աջակցության պատճառով
15.05.2025 | 21:46
Նոր հնարավորություններ՝ տեղական ռազմարդյունաբերության զարգացման համար
15.05.2025 | 21:35
Սյունիքի մարզում աշխատող լրագրող Անուշ Միրզոյանին մեղադրանք է ներկայացվել
Բոլորը

ՀՀ ՊՆ ՌՈ տարածքում ավտոլվացման կետ է գործում, որից մեծ շահույթներ են գոյանում:

Factor.am-ի աղբյուրների փոխանցմամբ՝ ավտոլվացման կետում իրենց մեքենաներն են լվանում Ռազմական ոստիկանության բոլոր աշխատակիցները՝ ծառայության դիմաց գումար վճարելով:

 «Բոլոր աշխատողների մեքենաներն այդտեղ են լվանում, և դրա համար գումար են տալիս այնքան, ինչքան մնացած բոլոր ավտոլվացման կետերում է սահմանված»,- փոխանցեցին մեր աղբյուրները՝ նշելով, որ ստացված գումարներն, ըստ ամենայնի, բաժին են հասնում Ռազմական ոստիկանության պետ Արթուր Բաղդասարյանին, ում նշանակումից հետո էլ վերաբացվել է ավտոլվացման կետը, որը մինչ այդ փակվել էր:

Ուշագրավ է նաև այն, որ ավտոլվացման կետի համար անհրաժեշտ էլեկտրաէներգիայի և ջրի ծախսերը, ըստ մեր զրուցակիցների, հաշվարկվում են ՌՈ ծախսերի հետ միասին, այլ կերպ ասած՝ առանձին հաշվիչներ տեղադրված չեն:

«Դրա համար բոլորն էլ ուզում են այն աշխատացնել, որովհետև շահույթը մեծ է»,- փոխանցեցին մեր աղբյուրները:

Factor.am-ը գրավոր հարցմամբ դիմել էր Պետական եկամուտների կոմիտե՝ պարզելու համար կա՞ նման ծառայություն մատուցող իրավաբանական անձ, թե՞ ոչ, ապա խնդրել էինք նշել իրավաբանական անձի ամբողջական անվանումը:

ՊԵԿ-ից հայտնել են, որ իրենց աշխատակիցներն այցելել են ռազմական ոստիկանության տարածք, որտեղ ՌԴ պատասխանատու պաշտոնատար անձինք հայտնել են, որ տարածքում գործող ավտոլվացման կետում լվացվում են բացառապես ռազմական ոստիկանության աշխատակիցների ավտոմեքենաները և այնտեղ ձեռնարկատիրական գործունեություն չի իրականացվում:

«Միաժամանակ ՀՀ պետական եկամուտների կոմիտեի կողմից ձեռնարկվում են համապատասխան միջոցներ՝ նշված գործունեության օրինականությունը ճշտելու ուղղությամբ»,- մեզ տրամադրած պատասխանում ընդգծել էին ՊԵԿ-ից:

ՌՈ տարածքում գործող ավտոլվացման հետ կապված որոշ հարցեր պարզելու նպատակով ավելի քան մեկ շաբաթ  առաջ հարցում էինք ուղարկել նաև Պաշտպանության նախարարությանը, որտեղից, սակայն,  խոստացան պատասխանել 30-օրյա ժամկետում:

Ավելի վաղ, Factor.am-ն անդրադարձել էր Ռազմական ոստիկանությունում տիրող իրավիճակին և «Ռազմական ոստիկանության աշխատակիցների պնդմամբ՝ ՌՈ-ում կոռուպցիան չի վերացել, գոյություն ունի գնացուցակ՝ 1500 դոլարից մինչև 7000 դոլար» վերնագրով հոդվածում ուշագրավ մանրամասներ ներկայացրել:

 Factor.am-ին դիմած ՌՈ ներկա և նախկին աշխատակիցներն ակնկալում են, որ Կառավարությունը՝ վարչապետ Փաշինյանի գլխավորությամբ, ուշադրության կենտրոնում կպահի այս կառույցի գործունեությունը:

Շողիկ Գալստյան