08.07.2026 | 18:10
Եվս 2 կալանավորված Ծառուկյանին առնչվող գործով // Մարիա Կարապետյանը՝ ԵԱՀԿ ԽՎ փոխնախագահ․ ԼՈՒՐԵՐ
Ներքին Հանդում միջադեպի քննությունը դեռևս ավարտին չի հասել․ ԳՇ պետ
Քաղաքականություն
05.03.2024 | 12:30
Ներքին Հանդում միջադեպի քննությունը դեռևս ավարտին չի հասել, ավարտական փուլին հասնելու պարագայում դրա մասին կտեղեկացվի, այս մասին «Եռաբլուր»-ում լրագրողների հետ զրույցում հայտնել է ՀՀ զինված ուժերի գլխավոր շտաբի պետ Էդվարդ Ասրյանը։
Հիշեցնենք, որ ըստ ՊՆ-ի, փետրվարի 13-ին՝ ժամը 05:30-ից սկսած, Ադրբեջանի ԶՈՒ ստորաբաժանումները հրաձգային զենքերից կրակ էին բացել Ներքին Հանդի հատվածում տեղակայված հայկական դիրքերի ուղղությամբ։ Ադրբեջանի ԶՈՒ կրակի հետևանքով հայկական կողմը տվել էր 4 զոհ և 1 վիրավոր։
Վարչապետ Նիկոլ Փաշինյանը Ազգային ժողովում հայտարարել էր, որ Ներքին Հանդում ռուս սահմանապահների ներկայության մանդատ և պայմանագիր գոյություն չունի։
Իսկ ավելի վաղ Անվտանգության խորհրդի քարտուղար Արմեն Գրիգորյանը հայտարարել էր, որ Ռուսաստանը չի կարողացել կանխել Ներքին Հանդում տեղի ունեցած միջադեպը։ Ավելի ուշ պարզ դարձավ, որ ռուս սահմանապահները նաև խոչընդոտել են ԵՄ դիտորդական առաքելության մուտքը տարածք։
