07.11.2026 | 13:08
Ալիկ Սարգսյանի մարզպետության տարիներին 1480 հա հող է տրամադրվել ձևական մրցույթներով․ Դատախազությունը դիմել է դատարան
Թրամփի կողմնակիցները՝ ընտրություններում նրա հաղթանակի դեպքում Ադրբեջանի հանդեպ ԱՄՆ-ի վերաբերմունքի մասին
Քաղաքականություն
04.03.2024 | 23:03
Լուրեր
07.11.2026 | 11:55
Երևանի կենտրոնում փոշու պարունակությունը հինգ օր գերազանցել է թույլատրելի սահմանը
07.11.2026 | 09:42
Հայաստանը, ԱՄՆ-ն և Ադրբեջանը սկսել են TRIPP-ի տեխնիկական պլանավորման աշխատանքները
ԱՄՆ-ի քաղաքականությունը Ադրբեջանի նկատմամբ չի փոխվի, եթե նախագահական ընտրություններում հաղթի Դոնալդ Թրամփը։ Վաշինգտոնում ադրբեջանական Թուրան գործակալության թղթակցի հետ զրույցում նման կարծիք է հայտնել Հանրապետական կուսակցության Արլինգթոնի գրասենյակի ղեկավար Մեթյու Հարթը։
Պատասխանելով հարցին՝ արդյո՞ք Թրամփը պաշտպանելու է մարդու իրավունքներն ու ժողովրդավարությունը Ադրբեջանում, Հարթը նշել է, որ Թրամփի վարչակազմը միշտ մեծ ուշադրություն է դարձրել մարդու իրավունքներին և խստորեն դատապարտել է դրանց խախտումները բոլոր երկրներում։
«Ամերիկյան ազատության ու ամերիկյան հնարավորությունների արտահայտումն արտասահմանում այն է, ինչ մենք անվանում ենք փափուկ ուժ։ Բոլորի երկրների համար շատ կարևոր է ապահովել իրենց քաղաքացիների և փոքրամասնությունների իրավունքները»,- ասել է Հարթը։
Միաժամանակ, նա նշել է, որ բոլոր երկրները պետք է կարողանան ապահովել իրենց ճակատագիրը՝ առանց արտաքին միջամտության սպառնալիքի։
Հավելենք, որ Թրամփը Հանրապետական կուսակցության ակնհայտ ֆավորիտն է նախագահական ընտրություններում առաջադրվելու համար։ Չնայած նրան, որ Հանրապետական կուսակցությունից նախագահի մեկ այլ թեկնածու՝ Նիկի Հեյլին հաղթել էր Թրամփին մարտի 3-ին Վաշինգտոնում կայացած փրայմերիզում, ԱՄՆ նախկին նախագահը նախորդ ներկուսակցական ընտրություններում վստահ հաղթանակ էր տարել։
ԱՄՆ նախընտրական քարոզարշավի մեծ իրադարձությունը «սուպեր երեքշաբթին» է՝ մարտի 5-ին, երբ ներկուսակցական ընտրություններ կանցկացվեն միաժամանակ 15 նահանգներում։
Էմմա Չոբանյան
