03.06.2026 | 00:40
Փաշինյանը Էրդողանի հետ քննարկել է Ախալքալաք–Կարս երկաթուղով Հայաստանից արտահանումների հարցը
Գերմանիայում հասարակական տրանսպորտը կաթվածահար է եղել գործադուլի պատճառով
Քաղաքականություն
01.03.2024 | 22:44
Գերմանիայի շատ քաղաքներում մարտի 1-ին հասարակական տրանսպորտի աշխատողների գործադուլ է։ Դաշնային հողերի մեծ մասում ավտոբուսների և քաղաքային երկաթուղային տրանսպորտի տեղաշարժը գործնականում կաթվածահար է, գրում է DW-ի ռուսական ծառայությունը:
Նախազգուշական գործադուլները, որոնք իրականացնելու կոչ է արել Ver.di արհմիությունը, Գերմանիայում ալիքներով տեղի են ունենում շաբաթվա սկզբից, դրանք ազդում են այս կամ այն նահանգի վրա։
Արհմիությունների ակցիայի գագաթնակետը մարտի 1-ի համընդհանուր գործադուլն է դարձել։ Գերմանիայում տեղի են ունեցել նաև կլիմայի պաշտպանության բազմաթիվ ցույցեր, որոնք կազմակերպվել են «Fridays for Future» շարժման կողմից։
Արհմիությունը ցանկանում է բարելավել տրանսպորտային ձեռնարկությունների մոտ 90 հազար աշխատակիցների աշխատանքային պայմանները։ Ver.di-ի պահանջների թվում են աշխատաժամանակի կրճատումը՝ պահպանելով աշխատավարձը, հերթափոխի միջև հանգստի ժամանակի ավելացումը, ավելի շատ արձակուրդային օրերը կամ արձակուրդի գումարի ավելացումը։
