13.12.2025 | 15:42
Ռոնալդուն կնկարահանվի «Ֆորսաժ» ֆիլմում
Եվրախորհրդարանը բանաձև է ընդունել, որում Նավալնիի մահը սպանություն է որակվում, իսկ դրանում մեղադրվում է անձամբ Պուտինը
Քաղաքականություն
29.02.2024 | 18:18
Եվրախորհրդարանը բանաձև է ընդունել ռուս քաղաքական գործիչ Ալեքսեյ Նավալնիի մահվան կապակցությամբ։ Փաստաթղթում ասվում է, որ ՌԴ նախագահ Վլադիմիր Պուտինը պետք է պատասխան տա բանտում ընդդիմադիր առաջնորդի սպանության համար, գրում է Current Time-ը։
Բանաձևին կողմ է քվեարկել եվրոպացի 547 պատգամավորներից 506-ը։
«Ռուսաստանի իշխանությունները և անձամբ Վլադիմիր Պուտինն են կրում քրեական և քաղաքական պատասխանատվություն իրենց ամենաուժեղ հակառակորդ Ալեքսեյ Նավալնիի մահվան համար»,- ասվում է բանաձևում։
ԵՄ պատգամավորների կարծիքով՝ Նավալնիի սպանությունն ազդարարում է Ռուսաստանում բռնաճնշումների աճը։ Նրանք պահանջել են ընդդիմադրի մահվան անկախ և թափանցիկ միջազգային հետաքննություն։
Բանաձևում ասվում է, որ Ռուսաստանի քաղաքական համակարգը վերահսկվում է համախմբված ավտորիտար ռեժիմի կողմից համատարած կոռուպցիայով, և Ռուսաստանի ներկայիս ղեկավարությունը, թաքնվելով ժողովրդավարական ընթացակարգերի հետևում, շարունակում է իշխանության ղեկին մնալ կեղծված ընտրությունների միջոցով:
Ավելի վաղ Եվրախորհրդարանի ղեկավար Ռոբերտա Մեցոլան խոստացել է չճանաչել 2024 թվականի Ռուսաստանի ընտրությունների արդյունքները՝ Նավալնիի մահվան պատճառով։
