07.09.2026 | 09:46
Բյուրեղավանից աղիքային վարակին բնորոշ գանգատներով բուժօգնության է դիմել նախնական տվյալներով 6 քաղաքացի
Վաղը «ՄՏՍ Հայաստան»-ի 20 տոկոսը կնվիրաբերվի պետությանը
Քաղաքականություն
28.02.2024 | 23:04
Վարչապետի աշխատակազմը վաղվանից կտնօրինի «ՄՏՍ Հայաստան» փակ բաժնետիրական ընկերության 20 տոկոս բաժնեմասի ճակատագիրը։
Կառավարությունը վաղն ընդունելու է ընկերության կողմից պետությանը նվիրաբերվող բաժնետոմսերը։ Կառավարությունից հայտնում են, որ «Ֆեդիլքո Գրուպ Լիմիթիդ» ընկերությունը ցանկություն է հայտնել Հայաստանի Հանրապետությանը փոխանցել «ՄՏՍ Արմենիա» ՓԲԸ-ի 100 տոկոս բաժնետոմսերի 20 տոկոսին համարժեք՝ 110.000 հատ ընդհանուր թվով բաժնետոմսերը: Իսկ թե ինչու է այս ընկերությունը նման ցանկություն հայտնել ՀՀ քաղաքացիներին դեռ որևէ պարզաբանում չի ներկայացվում։
Նշենք, որ ընկերությունը հունվարի 24-ին հայտարարեց, որ տեղի է ունեցել սեփականատիրոջ փոփոխություն։ Ռուսական ընկերությունը վաճառվել է Կիպրոսում գրանցված «Ֆեդիլքո Գրուպ Լիմիթիդ» ընկերությանը։ Սեփականատերերը եվրոպական ու ասիական ներդրողներ են:
Հիշեցնենք՝ ավելի վաղ էլ կառավարությունը 12,5-ական տոկոսների նվիրատվություն էր ստացել Ամուլսարի հանքը շահագործող ընկերությունից և Զանգեզուրի պղնձամոլիբդենային կոմբինատից։ Վերջին նիրատվությունը ներկայացվում է որպես «ժողովրդից գողացվածը հետ բերելու գործընթաց», սակայն, չի հստակեցվում, թե մասնավորապես ո՞վ էր այդ 12,5-ը գողացել ժողովրդից։
