01.04.2026 | 20:30
Ես ուզում եմ՝ իշխանության գա ուժ, որը, կհետաքննի պատերազմը, և մարդիկ կիմանան՝ ինչ է կատարվել․ Իզաբելլա Աբգարյան. ՏԵՍԱՆՅՈՒԹ
Թուրքիան փոփոխություններ է կատարում Ազգային անվտանգության դոկտրինում
Քաղաքականություն
29.02.2024 | 22:44
Թուրքիայի նախագահ Ռեջեփ Թայիփ Էրդողանի հանձնարարականով Ազգային անվտանգության խորհրդի գլխավոր քարտուղարությունը քայլեր է ձեռնարկում՝ թարմացնելու Ազգային անվտանգության քաղաքականության փաստաթուղթը, գրում են տեղական լրատվամիջոցները։
Նախարարություններից և համապատասխան գերատեսչություններից սկսել են կարծիքներ հարցնել փաստաթղթի թարմացման վերաբերյալ, որն իր գաղտնիության պատճառով ավելի հայտնի է «Կարմիր գիրք» անունով։ Նախատեսվում է, որ ուսումնասիրություններից հետո հարցը քննարկվելու է ապրիլի սկզբին նախատեսված Ազգային անվտանգության խորհրդի նիստում՝ նախագահ Էրդողանի ղեկավարությամբ։
Ազգային անվտանգության քաղաքականության փաստաթուղթը կետ առ կետ բացահայտում է պետության ներքին և արտաքին սպառնալիքների ընկալումները։ Այն պարբերաբար թարմացվում է Ազգային անվտանգության խորհրդի նիստերում՝ համաձայն սպառնալիքի փոփոխության։
Վերջին անգամ դրանում փոփոխությունները քննարկվել են 2019 թվականի սեպտեմբերի 30-ին տեղի ունեցած Ազգային անվտանգության խորհրդի նիստում։
Էմմա Չոբանյան
