18.05.2026 | 12:54
«Նիկոլ, քեզ ջրելու ենք»․ դիմակավոր անձինք սպառնում են Փաշինյանին, նա արձագանքում է կոշտ բառապաշարով․ ՏԵՍԱՆՅՈՒԹ
Ով է Հայաստանի սահմանը հատած ու վնասազերծված ադրբեջանցի զինծառայողը․ ԼՈՒՍԱՆԿԱՐՆԵՐ
Քաղաքականություն
28.02.2024 | 15:25
Ադրբեջանական լրատվամիջոցները տեղեկություններ են հաղորդել Հայաստանի սահմանը հատած ադրբեջանցի զինծառայողի մասին՝ հրապարակելով նաև նրա լուսանկարները։ Նշվում է, որ Ռուսլան Փանախովը Շամքիրի շրջանից է, ծառայության է անցել անցյալ տարվա հուլիսին։
«Նա 7 ամիս է՝ զինվորական ծառայության մեջ է Լաչինում։ Վերջին անգամ ես ու տղաս խոսել ենք երեկ: Նա ասաց, որ առողջ է, ամեն ինչ լավ է»,- պատմել է զինծառայողի հայրը լրատվամիջոցներին։
ՀՀ ԱԱԾ-ն այսօր հայտարարություն էր տարածել, որ փետրվարի 28-ին՝ ժամը 05:15-ի սահմաններում, Սյունիքի մարզի Տեղ համայնքի սահմանային հատվածում հայ-ադրբեջանական շփման գիծը հատել է ադրբեջանական զինված ուժերի զինծառայող, որը զինված է եղել ԱԿՄ տիպի ինքնաձիգով ու 1 պահատուփով։ Նա վնասազերծվել է ՊՆ զինծառայողների կողմից: Դեպքի կապակցությամբ ՀՀ քննչական կոմիտեում նախաձեռնվել է քրեական վարույթ ՀՀ քրեական օրենսգրքի համապատասխան հոդվածներով:
Ավելի վաղ էլ Ադրբեջանի ՊՆ-ն հայտարարություն տարածել էր, տարածել, թե փետրվարի 28-ի առավոտյան ադրբեջանական բանակի զինծառայող Ռուսլան Փանախովը Լաչինի շրջանում ծառայողական դիրքերի միջև տեղաշարժվելիս մոլորվել է՝ եղանակային վատ պայմանների պատճառով։
Էմմա Չոբանյան
