12.08.2026 | 10:13
Մեր աշակերտները արհեստական բանականության միջազգային օլիմպիադայում թիմային պայքարում 5-րդ տեղն է զբաղեցրել. ԿԳՄՍ նախարար
Բաքվում Իսրայելի դեսպանատանն անվտանգության վարժանքներ են անցկացվել
Քաղաքականություն
28.02.2024 | 16:08
Բաքվում Իսրայելի դեսպանատանը Ադրբեջանի ՆԳՆ-ի և այլ իրավապահ մարմինների հետ համատեղ վարժանքներ են անցկացվել։ Այս մասին X-ի իր էջում հայտնել է Իսրայելի դեսպանատունը։
Ադրբեջանական լրատվամիջոցների փոխանցմամբ՝ անվտանգության վարժանքները երկու երկրների միջև շարունակական համագործակցության մաս են, որոնք ուղղված են անվտանգության ոլորտում համագործակցության ամրապնդմանը և ընդլայնմանը:
«Մենք երախտախարտ ենք Ադրբեջանի իրավապահ և անվտանգության մարմիններին՝ դեսպանատան և դիվանագիտական անձնակազմի անվտանգությունն ապահովելու համար։ Այս համատեղ վարժանքները շատ հաջող էին և կարևոր հավելում են դարձել մեր երկրների՝ անվտանգության ոլորտում ամուր համագործակցության համար։ Ադրբեջանի հավատարմությունը բոլոր դիվանագիտական ներկայացուցչությունների, այդ թվում՝ Իսրայելի դեսպանատան անվտանգությանը, ակնհայտ է և անսասան։ Մենք ակնկալում ենք շարունակել ամրապնդել մեր երկկողմ համագործակցությունը»,- նշել է Ադրբեջանում Իսրայելի դեսպան Ջորջ Դիկը։
Առաջինը անգամ չէ, որ Բաքվում Իսրայելի դեսպանատանը իսրայելական ու ադրբեջանական կողմերը համատեղ անվտանգային վարժանքներ են անցկացնում։
Միաժամանակ, նախորդ տարի ադրբեջանական լրատվամիջոցները մի քանի անգամ հայտնել էին Իսրայելի դեսպանատան վրա հարձակումները կանխելու մասին։
Էմմա Չոբանյան
