12.09.2026 | 23:46
Գյումրիում 64-ամյա տղամարդը դանակահարել է հարևաններին՝ հորն ու որդուն․ որդին մահացել է
Ադրբեջանում կանխել են Իսրայելի դեսպանատան վրա զինված հարձակումը
Քաղաքականություն
17.11.2023 | 15:21
Ադրբեջանի անվտանգության ուժերը կանխել են Բաքվում Իսրայելի դեսպանատան վրա հարձակումը։ Այս մասին գրում են ադրբեջանական ԶԼՄ-ները:
Նշվում է, որ «իրանական ծագումով տղամարդը փորձել է զենքով ներխուժել դեսպանատուն», սակայն Ադրբեջանի պետական անվտանգության ծառայության աշխատակիցները նրան բերման են ենթարկել և զինաթափել, կասկածյալին տեղափոխել են Բաքվի դատարան։
Այսօր ավելի վաղ տեղեկություններ էին տարածվել, որ Բաքվում տղամարդ է զինաթափվել, որը փորձել է ահաբեկչական գործողություն իրականացնել դիվանագիտական ներկայացուցչության շենքում, սակայն չէր նշվել, թե որ երկրի մասին է խոսքը։
Հաղորդվում է, որ Բաքվի Սաբաիլի շրջանային դատարանը քննել է Մ.Հ.Հուսեյնզադեի դեմ ներկայացված միջնորդությունը։ Դատարանի որոշմամբ՝ Հուսեյնզադեի նկատմամբ խափանման միջոց է ընտրվել կալանավորումը՝ 4 ամիս ժամկետով։ Գործի նյութերից պարզ է դառնում, որ նա երկար ժամանակ հետևել է դեսպանատան շենքին։
Էմմա Չոբանյան
