07.11.2026 | 11:33
ԱԺ վարչատնտեսական վարչության պետի նկատմամբ ծառայողական քննություն է նշանակվել
Նավալնիի գործերով գլխավոր քննիչի պաշտոնը բարձրացրել են
Քաղաքականություն
27.02.2024 | 22:21
Բանտում մահացած ռուս ընդդիմադիր գործիչ Ալեքսեյ Նավալնիի դեմ գործերով գլխավոր քննիչ Ռոման Վիդյուկովը նշանակվել է ՌԴ ՔԿ գլխավոր քննչական վարչության պետի տեղակալ։ Այս մասին հայտնել է «Կոռուպցիայի դեմ պայքարի հիմնադրամի» տնօրեն Իվան Ժդանովը՝ հրապարակելով փաստաթղթի լուսանկարը, որի տակ դրված է Վիդյուկովի ստորագրությունն ու նշված է նրա նոր պաշտոնը, գրում է DW-ի ռուսական ծառայությունը։
Ռուսական լրատվամիջոցների փոխանցմամբ՝ 44-ամյա Վիդյուկովն իր կարիերան սկսել է Վոլգոգրադում 2009 թվականին՝ Վոլգոգրադի շրջանի արհմիությունների ղեկավար Վյաչեսլավ Կոբոզևի գործի քննությամբ, որը հետագայում դատապարտվել է 9 տարվա ազատազրկման։ Ավելի ուշ քննիչը տեղափոխվել է Մոսկվա, որտեղ նա մասնակցել է տնտեսական զարգացման նախկին նախարար Ալեքսեյ Ուլյուկաևի և Սերպուխովի շրջանի ղեկավար Ալեքսանդր Շեստունի դեմ գործերի քննությանը։
2019-ին Վիդյուկովն ընդունել է «Կոռուպցիայի դեմ պայքարի հիմնադրամի» դեմ «փողերի լվացման» քրեական գործը և սկսել է հետաքննությունը։ 2020 թվականի դեկտեմբերի վերջին նա քրեական գործ է հարուցել Ալեքսեյ Նավալնիի նկատմամբ խարդախության համար, իսկ ավելի ուշ գլխավորել է գործով քննչական խումբը։ Նա ղեկավարել է նաև Ուֆայում Նավալնիի շտաբի նախկին ղեկավար Լիլիա Չանիշևայի դեմ ծայրահեղական համայնք ստեղծելու գործով զբաղվող քննչական խումբը։
2021 թվականին ՌԴ նախագահ Վլադիմիր Պուտինը Վիդյուկովին պարգևատրել է «Հայրենիքին մատուցած ծառայությունների համար» 2-րդ աստիճանի շքանշանով։
