01.04.2026 | 21:25
Հայաստանի գավաթ․ «Ուրարտուն» կիսաեզրափակիչում է
Հյուսիսային Կորեան հուլիսից միլիոնավոր արկեր է ուղարկել Ռուսաստան
Քաղաքականություն
27.02.2024 | 23:21
Հյուսիսային Կորեան հուլիսից միլիոնավոր արկեր է ուղարկել Ռուսաստան, հայտնում են հարավկորեական ԶԼՄ-ները՝ հղում կատարելով երկրի պաշտպանության նախարարությանը, փոխանցում է Reuters-ը։
Հարավային Կորեայի պաշտպանության նախարար Շին Վոն Սիկը տեղի լրատվամիջոցների համար ճեպազրույցում ասել է, որ Հյուսիսային Կորեայի կողմից Ռուսաստան ուղարկված բեռնարկղերը կարող են պարունակել ավելի քան 3 միլիոն 152 մմ հրետանային կամ 500,000 122 մմ արկ:
Սեուլն ու Վաշինգտոնը մեղադրել են Փհենյանին և Մոսկվային զենքի ապօրինի շրջանառության համար՝ դատապարտելով Հյուսիսային Կորեային Ուկրաինայի պատերազմում կիրառելու նպատակով Ռուսաստանին զենք մատակարարելու համար։
Ռուսաստանը և Հյուսիսային Կորեան հերքել են սա, թեև խոստացել են ամրապնդել ռազմական համագործակցությունը։
Ըստ Reuters-ի՝ Հարավային Կորեայի պաշտպանության նախարարն ասել է, որ ստացված արկերի դիմաց Մոսկվան Փհենյանին տրամադրել է մոտ 9000 կոնտեյներ, «հիմնականում՝ սննդով», ինչպես նաև շարունակում է տեխնիկական օգնություն տրամադրել արբանյակների արձակման հարցում։ Հյուսիսային Կորեան կարող է ևս մեկ արբանյակ արձակել արդեն հաջորդ ամիս։
