21.06.2026 | 02:11
ԱԱ-2026. Գերմանիան կամային հաղթանակի հասավ վերջնամասում. ՏԵՍԱՆՅՈՒԹ
Զաքիր Հասանովը Թուրքիայի պաշտպանության փոխնախարարին զեկուցել է Հայաստանի հետ սահմանին իրավիճակի մասին
Քաղաքականություն
27.02.2024 | 21:59
Ադրբեջանի ՊՆ ղեկավար Զաքիր Հասանովը հանդիպել է այցով Բաքվում գտնվող Թուրքիայի պաշտպանության փոխնախարար Շուայ Ալպայի գլխավորած պատվիրակությանը։ Ադրբեջանական կողմի հաղորդմամբ՝ կողմերը քննարկել են ռազմական համագործակցության հեռանկարները և անվտանգության հարցեր։
«Հանդիպմանը քննարկվել են տարածաշրջանային ռազմական համագործակցության հեռանկարները, անվտանգության հարցեր, փոխադարձ հետաքրքրություն ներկայացնող այլ թեմաներ»,- ասվում է գերատեսչության հաղորդագրության մեջ։
Նշվում է նաև, որ Հասանովը զրուցակցին տեղեկացրել է հայ-ադրբեջանական սահմանին տիրող օպերատիվ իրավիճակի և ադրբեջանական բանակում իրականացվող բարեփոխումների մասին։
Իր հերթին, Ալպայը գոհունակություն է հայտնել թուրք-ադրբեջանական ռազմական համագործակցության հաջող զարգացման ներկա վիճակի կապակցությամբ։
Թուրքիայի պաշտպանության փոխնախարարը հանդիպել է նաև Ադրբեջանի գլխավոր շտաբի պետ, գեներալ-գնդապետ Քերիմ Վելիևի և պաշտպանության նախարարի խորհրդական, գեներալ-գնդապետ Բահտիյար Էրսայի հետ։ Վերջինս թուրքական բանակի գեներալ է, միաժամանակ, Ադրբեջանում Թուրքիայի զինված ուժերի հատուկ նշանակության ջոկատի հրամանատարը։
