06.07.2026 | 07:35
Նեյմարը հայտարարեց Բրազիլի հավաքականից հեռանալու մասին
Խոյ համայնքի բոլոր գյուղերի համար գործելու է անվճար ուսանողական երթուղի
Հասարակություն
25.02.2024 | 21:34
Մարտի 4-ից Խոյ համայնքի բոլոր գյուղերից միակողմանի անվճար ուսանողական երթուղին վերսկսելու է իր աշխատանքը․ հայտնում են Խոյի համայնքապետարանից։
«Ուսանողական տրանսպորտից օգտվելու համար պարտադիր է գյուղի վարչական ղեկավարին ներկայացնել ուսանողի տվյալ ուսման վայրում սովորելու տեղեկանք, որի հիման վրա կտրամադրվեն ուսանողական կտրոններ։ Գեղակերտ գյուղի ուսանողները կարող են տեղեկանքները ներկայացնել Խոյի համայնքապետարան»,- ասվում է հայտարարությունում և շեշտվում՝ խստիվ արգելվում է տրանսպորտային միջոցից օգտվել այն անձանց, ովքեր ուսանող չեն։
Համայնքապետարանը տեղեկացնում է, որ ուսանողական երթուղին կլինի միակողմանի՝ առանց վերադարձի։
Մեկնումը՝ առավոտյան ժամը 7:30-ին համայնքի յուրաքանչյուր գյուղի կենտրոնից դեպի Երևան (կենտրոն վարչական շրջան՝ կանգառներով)։
