12.08.2026 | 11:06
Մեկնարկել են Բաղրամյանի հրշեջ-փրկարարական ջոկատի նոր վարչական շենքի շինաշխատանքները․ ՆԳ նախարարը հետևել է ընթացքին
Լավրովն ու Ֆիդանը քննարկել են Հարավային Կովկասում իրավիճակը
Քաղաքականություն
22.02.2024 | 22:10
Թուրքիայի ԱԳ նախարար Հաքան Ֆիդանը հանդիպել է Ռուսաստանի իր գործընկեր Սերգեյ Լավրովին Ռիո դե Ժանեյրոյում ընթացող G20-ի երկրների արտգործնախարարների հանդիպման շրջանակում։ «Անադոլու» գործակալությունը, վկայակոչելով դիվանագիտական աղբյուրներին, հայտնում է, որ կողմերը քննարկել են առաջիկայում նախատեսված բարձր մակարդակի այցերը, երկկողմ և տարածաշրջանային իրադարձությունները։
Ֆիդանը փոխանցել է Լավրովին, որ Թուրքիան ուկրաինական պատերազմի դիվանագիտական լուծման հույս ունի՝ բոլոր կողմերի մասնակցությամբ։ Նրա խոսքով՝ Թուրքիան աջակցում է տարածաշրջանային կայունությանն ու բարգավաճմանը նպաստող բոլոր նախաձեռնություններին։
Նախարարները նաև քննարկել են Գազայում տիրող հումանիտար ծանր իրավիճակը և այս ուղղությամբ խնդիրների լուծման հնարավոր քայլերը։
ՌԴ ԱԳՆ-ի փոխանցմամբ էլ՝ նախարարները քննարկել են «մի շարք արդի տարածաշրջանային և միջազգային հարցեր՝ շեշտը դնելով Մերձավոր Արևելքում, Անդրկովկասում և Ուկրաինայի շուրջ ստեղծված իրավիճակի վրա»։
Հանդիպմանը քննարկվել է նաև առևտրատնտեսական համագործակցությունը և էներգետիկայի ոլորտում նախագծերի իրականացումը։
