12.01.2025 | 13:20
Երկրաշարժ՝ Վրաստանում
«Բարսելոնայի» նախկին ֆուտբոլիստ Դանի Ալվեսը 4,6 տարվա ազատազրկման է դատապարտվել
Քաղաքականություն
22.02.2024 | 23:02
Բրազիլացի ֆուտբոլային աստղ, «Բարսելոնա» ակումբի նախկին խաղացող Դանի Ալվեսը մեղավոր է ճանաչվել երիտասարդ կնոջ նկատմամբ սեռական ոտնձգությունների մեջ և դատապարտվել է չորս տարի վեց ամիս Ժամկետով ազատազրկման, հաղորդում է Euronews-ը։
Դատարանը հաստատել է, որ Ալվեսը սեռական ոտնձգություն է կատարել իր զոհի նկատմամբ 2022 թվականի դեկտեմբերի 31-ի առավոտյան։ Տուժողն ասել է, որ իրեն բռնաբարել են Բարսելոնայի էլիտար գիշերային ակումբի զուգարանում:
Նահանգի դատախազները պահանջել էին 9 տարվա ազատազրկում Ալվեսի համար, մինչդեռ մեղադրող կողմի փաստաբանները պահանջում էին 12 տարվա ազատազրկում։ Ալվեսի պաշտպանական կողմը խնդրել է արդարացնել նրան կամ, մեղավոր ճանաչելու դեպքում, մեկ տարվա ազատազրկման դատապարտել, գումարած տուժողին 50 հազար եվրո փոխհատուցում վճարել։
Ալվեսը բանտում է 2023 թվականի հունվարի 20-ին ձերբակալությունից հետո։ Տուժողը նահանգային դատախազներին պատմել է, որ պարել է Ալվեսի հետ և պատրաստակամորեն մտել գիշերային ակումբի զուգարան, բայց հետո, երբ ցանկացել է հեռանալ, ֆուտբոլիստը փակել է իր ճանապարհը։ Նրա խոսքով՝ ֆուտբոլիստն ապտակել է իրեն, վիրավորել ու ստիպել սեռական հարաբերություններ ունենալ իր կամքին հակառակ։
Ալվեսը կալանքի տակ եղած ժամանակ փոխել է իր ցուցմունքը. սկզբում նա հերքում էր, որ կնոջ սեռական կապ է ունեցել, իսկ հետո խոստովանել է, որ սեռական հարաբերություններ են եղել, բայց, ըստ նրա, փոխադարձ համաձայնությամբ։ Ալվեսը հայտարարել է, որ փորձել է փրկել իր ամուսնությունը՝ ի սկզբանե չխոստովանելով:
Դատավարության ընթացքում պաշտպանական կողմը նաև փորձել է ապացուցել, որ Ալվեսը հարբած է եղել, երբ հանդիպել է տուժողին։
Դատարանի որոշումը կարող է բողոքարկվել։
