20.05.2024 | 11:49
Իրանի նախագահի և ուղղաթիռի կործանման հետևանքով մյուս զոհվածների մարմինները տեղափոխվել են Թավրիզ
Թուրքիան ԱՄՆ-ում նոր դեսպան է նշանակել փորձառու դիվանագետի
Քաղաքականություն
22.02.2024 | 23:30
ՄԱԿ-ում Թուրքիայի դեսպան Սեդաթ Օնալը Վաշինգտոնում Անկարայի դեսպանի պաշտոնում կփոխարինի Հասան Մուրադ Մերջանին, իսկ ՄԱԿ-ում Թուրքիայի մշտական ներկայացուցիչ կնշանակվի ԱԳ փոխնախարար Ահմեդ Յըլդըզը։ Այս մասին հայտնում են թուրքական լրատվամիջոցները՝ վկայակոչելով դիվանագիտական աղբյուրներին։
Ըստ աղբյուրների՝ ԱԳ նախարար Հաքան Ֆիդանը հեռախոսով տեղեկացրել է Օնալին և Յըլդըզին իրենց նոր պարտականությունների մասին։
ԱՄՆ-ում դեսպանի պաշտոնում նշանակված Օնալը ծնվել է 1963 թվականին։ Նա երկրի ԱԳՆ-ում ծառայում է 1989 թվականից՝ աշխատելով բազմաթիվ երկրներում, այդ թվում՝ Քուվեյթում, Գերմանիայում, ԱՄՆ-ում, Իրանում, Ավստրիայում և Հորդանանում: Եղել է Թուրքիայի ԱԳ փոխնախարար, ՄԱԿ-ում Թուրքիայի ներկայացուցիչ է նշանակվել անցած փետրվարին։
Այս վերադասավորումները տեղի են ունենում նոր դեսպանների նշանակման ֆոնին․ Թուրքիայի նախագահ Ռեջեփ Թայիփ Էրդողանը վերջերս 10 երկրում նոր դեսպանների է նշանակել։
Էմմա Չոբանյան
