23.11.2024 | 00:35
Թրամփի հետ հեռախոսազրույցը տեղեկատվական էր, բայց նաև շատ պոզիտիվ. Փաշինյան. ՏԵՍԱՆՅՈՒԹ
Ստամբուլի քաղաքապետի պաշտոնի համար կպայքարի 52 թեկնածու
Քաղաքականություն
21.02.2024 | 22:46
Թուրքիայում մարտի 31-ին նախանշված տեղական ինքնակառավարման մարմինների ընտրություններում Ստամբուլի քաղաքապետի պաշտոնի համար կպայքարի 52 թեկնածու։ Այս մասին հայտնում են թուրքական լրատվամիջոցները՝ նշելով, որ դիմումների պաշտոնական վերջնաժամկետն ավարտվել էր փետրվարի 20-ին։
52 թեկնածուներից 22-ն առաջադրվել է կուսակցության կողմից, որպես անկախ թեկնածու կպայքարի 30 թեկնածու։
Թեկնածուների ցուցակում են գործող քաղաքապետ Էքրեմ Իմամօղլուն՝ գլխավոր ընդդիմադիր Ժողովրդահանրապետական կուսակցությունից (CHP), իշխող Արդարություն և զարգացում կուսակցության թեկնածու Մուրադ Քուրումը, որը նաև պատգամավոր է, ընդդիմադիր İYİ (Լավ) կուսակցության թեկնածու Բուղրա Քավունջուն, ընդդիմադիր քրդամետ Ժողովուրդների իրավահավասարություն և ժողովրդավարություն (DEM) կուսակցության համահավասար թեկնածուներ Մերալ Դանիշ Բեշթաշը և Մուրատ Չեփնին։
Նրանցից զատ՝ թեկնածուներ կան ընդդիմադիր ծայրահեղ աջ «Հաղթանակ», «Հայրենիք», «Ժողովրդավարություն և առաջադիմություն» (DEVA) կուսակցությունից։
Ընտրապայքարի հիմնական թեկնածուներն են համարվում Էքրեմ Իմամօղլուն և Մուրադ Քուրումը։
2019 թվականի տեղական ընտրություններում İYİ կուսակցությունը և քրդական HDP-ն չէին առաջադրել Ստամբուլի և Անկարայի քաղաքապետի թեկնածուներ, ինչը հանգեցրեց ԱԶԿ-ի և CHP-ի միջև մրցավազքի, որն ավարտվեց CHP-ի հաղթանակով:
2019 թվականի մարտին Իմամօղլուն ՏԻՄ ընտրություններում ստացել էր ձայների 48,77 տոկոսը, որին հաջորդում էր ԱԶԿ-ից Բինալի Յըլդըրըմը՝ 48,61 տոկոսով։ Գերագույն ընտրական խորհուրդը չէր ճանաչել Իմամօղլուի նախնական հաղթանակը և որոշել կրկնել քվեարկությունը։ Իմամօղլուն հունիսին տեղի ունեցած կրկնակի ընտրություններում ստացել էր ձայների 54,22 տոկոսը։
Էմմա Չոբանյան
