15.01.2026 | 10:55
«Ռեալը» սենսացիոն պարտություն է կրել Ալվարո Արբելոայի նորամուտի խաղում․ ՏԵՍԱՆՅՈՒԹ
Զատուլինը հայտարարել է, որ ԼՂ-ում ռուս խաղաղապահների առաքելությունը շարունակելու հիմքեր կան
Քաղաքականություն
21.02.2024 | 18:24
Հիմքեր կան Լեռնային Ղարաբաղում ռուս խաղաղապահների առաքելությունը շարունակելու համար, նրանց ներկայությունը Ղարաբաղի հայերի պատմամշակութային ժառանգության պահպանման որոշակի երաշխիք կտա։ Այս մասին ասել է ՌԴ Պետդումայի ԱՊՀ հարցերով կոմիտեի նախագահի առաջին տեղակալ Կոնստանտին Զատուլինը НСН-ին տված հարցազրույցում։
Նա կարծում է, որ ռուս խաղաղապահները չպետք է դուրս բերվեն Արցախից։
«Ներկայիս պայմանները բարենպաստ չեն հայ բնակչության վերադարձի համար։ Բայց ինքնին վերադարձը և այն փաստը, որ հարյուրավոր տարիներ հայեր են ապրել Լեռնային Ղարաբաղում, չեն կարող դեն նետվել: Եթե Ադրբեջանի ղեկավարությունը ողջ աշխարհի աչքում քաղաքակիրթ երեւալու բարի կամք ու ցանկություն ունի, պետք է այդ մասին մտածի։ Դրա համար միանգամայն հնարավոր է, որ մեր խաղաղապահներն անհրաժեշտ լինեն, քանի որ վերադարձողների համար սա որոշակի երաշխիք է և որոշակի երաշխիք է պատմամշակութային ժառանգության պահպանման համար»,- ասել է Զատուլինը։
Նա նշել է, որ Լեռնային Ղարաբաղի հայերը չեն ցանկանում վերադառնալ, քանի որ այնտեղ ապրելու համար անհրաժեշտ կլինի ստանալ ադրբեջանական անձնագիր։ Պատգամավորի խոսքով՝ ղարաբաղցիները մտահոգված են, որ Ադրբեջանի քաղաքացիություն ստանալուց հետո հետագայում ստիպված են լինելու պայքարել հայկական բանակի դեմ։
«Լեռնային Ղարաբաղի տարածքից հայ բնակչության հեռանալով այս տարածքից չեն անհետացել ո՛չ պատմական, ո՛չ կրոնական հուշարձանները, ո՛չ էլ գույքը, որ բնակիչները ստիպված են եղել թողնել»,- ասել է Զատուլինը։
