24.06.2026 | 12:30
Չալաբյանը մեղադրվում է ընտրողների ընտրական իրավունքը խոչընդոտելու համար. նա պնդել է, որ մեղադրանքը սուտ է․ ՏԵՍԱՆՅՈՒԹ
Գնդակոծության պատճառով վնասվել է Զապորոժիեի ԱԷԿ-ին էլեկտրաէներգիա մատակարարող գծերից մեկը. Ուկրէներգո
Քաղաքականություն
21.02.2024 | 17:50
Ուկրաինական «Ուկրէներգո»-ն հայտնել է, որ ռուս զինվորականների գնդակոծության հետևանքով վնասվել է Զապորոժիեի ատոմակայանին էլեկտրաէներգիա մատակարարող գծերից մեկը, գրում է BBC-ի ռուսական ծառայությունը։
Միևնույն ժամանակ, ըստ «Ուկրէներգո»-ի, այժմ «ԶԱԷԿ-ի և էներգահամակարգի միջև կապն ապահովվում է միայն մեկ գծով», սակայն ուկրաինական ցանցերի հզորությունը թույլ է տալիս մատակարարումների անհրաժեշտ մակարդակը։
«Քանի որ տարածաշրջանում մարտական գործողություններ են ընթանում, վթարային վերականգնման աշխատանքներն իրականացվում են՝ կախված անվտանգության իրավիճակից և զինվորականների թույլտվությամբ»,- հայտնում է «Ուկրէներգո»-ն։
Զապորոժիեի ատոմակայանն օկուպացված է ռուս զինվորականների կողմից և պարբերաբար ենթարկվում է գնդակոծությունների, ինչի համար Ուկրաինան և Ռուսաստանը մեղադրում են միմյանց։
ԶԱԷԿ-ին էլեկտրաէներգիա է անհրաժեշտ, այդ թվում, կայանի պաշտպանիչ և հովացման համակարգերի շահագործումն ապահովելու համար, որոնք կանխում են վթարի հավանականությունը:
