11.12.2025 | 20:30
«Հարսնաքար»-ը, Գասպարյանի առանձնատունը, Միքայելյանի տնակը․ Սևանի ափի որ գույքերը կքանդի պետությունը․ ՏԵՍԱՆՅՈւԹ
Բաքուն հայտնել է, որ քայլեր է ձեռնարկում ՀՀ-ի կողմից հետախուզվող ադրբեջանցի բլոգերի իրավունքների ապահովման համար
Քաղաքականություն
21.02.2024 | 15:22
Մոսկվայում Ադրբեջանի դեսպանատունը ռուսական օրենսդրության շրջանակում ձեռնարկում է անհրաժեշտ իրավական գործողություններ՝ ձերբակալված ադրբեջանցի բլոգեր ու ֆիթնես մարզիչ, ՀՀ-ի կողմից հետախուզվող Քյամիլ Զեյնալիի իրավունքներն ապահովելու համար։
«Այս գիշեր Մոսկվայի «Դոմոդեդովո» օդանավակայանում Հայաստանի պահանջով ձերբակալվել է Ադրբեջանի քաղաքացի Քյամիլ Զեյնալին։ Հարցումը նախաձեռնվել է ԱՊՀ անդամ երկրների միջպետական համաձայնագրի շրջանակում։ Ադրբեջանի քաղաքացու ձերբակալության մասին հայտնի դառնալուն պես դեսպան Փոլադ Բյուլբյուլօղլուի հանձնարարությամբ օդանավակայան են ուղարկվել հյուպատոսը և փոխհյուպատոսը, որոնք տեղում պարզաբանել են իրավիճակը»,- ադրբեջանական լրատվամիջոցներին ասել են դեսպանատից։
Նշվում է, որ դեսպանատան աշխատակիցները ներկայում ձերբակալվածի մոտ են, փետրվարի 21-ի վաղ առավոտյան դեսպանատան կողմից հրավիրված փաստաբանը հանդիպում է ունեցել Զեյնալիի հետ, որի ընթացքում բացատրել է օրենքով նախատեսված իր իրավունքները։
«Այս պահին դեսպանությունը Ռուսաստանի Դաշնության օրենսդրության շրջանակում ձեռնարկում է անհրաժեշտ իրավական գործողություններ և գործադրում է բոլոր ջանքերը՝ կալանավորի իրավունքներն ապահովելու համար»,- ասվում է հաղորդագրության մեջ։
Ավելի վաղ ադրբեջանական լրատվամիջոցները հայտնել էին, որ Զեյնալիին մեղադրանք է առաջադրված ՀՀ Քրեական օրենսգրքի 4 հոդվածով՝ 135 (Մարդկության դեմ հանցագործություն), 137 (Պատերազմական հանցագործություններ), 140 (Պատերազմական հանցագործություններ՝ պատերազմի արգելված մեթոդներով), 147 (Վարձկանների հավաքագրում) և 149 (Ագրեսիա) հոդվածներով։
ՀՀ Ներքին գործերի նախարարի մամուլի խոսնակը Factor.am-ի հետ զրույցում ասել էր՝ «Այդ անձի նկատմամբ սպանության մեղադրանքով կա հայտարարված միջպետական հետախուզում»՝ զերծ մնալով այլ մանրամասներ հաղորդելուց։
Ադրբեջանցի բլոգերի փաստաբանի տվյալներով՝ ՀՀ-ն Զեյնալիի նկատմամբ հետախուզում է հայտարարել 2020 թվականի սեպտեմբերի 29-ին։ Գարաևը հավելել է, որ դեռ հայտնի չէ, թե կոնկրետ ինչ հանցավոր արարքի մասին է խոսքը։
«Քամիլ Զեյնալին գիշերը ձերբակալվել է որպես կասկածյալ 48 ժամով։ Այսօր դատախազությունը սպասում է Հայաստանից որոշ նյութերի ստացմանը։ Իսկ եթե այս լրացուցիչ նյութերը ստացվեն, ապա վաղը Քամիլ Զեյնալլին կկանգնի դատարանի առաջ՝ խափանման միջոցի ընտրության համար»,- ասել է նա։
Ըստ նրա՝ իրենց նպատակն է հասնել նրան, որ բլոգերը տնային կալանքի վերցվի ՌԴ-ում Ադրբեջանի դեսպանատան շենքում։
Էմմա Չոբանյան
