24.02.2026 | 23:39
Հայաստանի մի շարք հասցեներում էլեկտրաէներգիայի անջատումներ կլինեն
ԵՄ-ում համաձայնեցրել են ՌԴ-ի դեմ պատժամիջոցների 13-րդ փաթեթը
Քաղաքականություն
21.02.2024 | 15:49
ԵՄ անդամ երկրների մշտական ներկայացուցիչները համաձայնեցրել են ՌԴ-ի դեմ պատժամիջոցների 13-րդ փաթեթը, գրում է BBC-ի ռուսական ծառայությունը։
«ԵՄ մշտական ներկայացուցիչները հենց նոր սկզբունքորեն համաձայնության են եկել պատժամիջոցների 13-րդ փաթեթի շուրջ՝ Ուկրաինայի դեմ Ռուսաստանի ագրեսիայի շրջանակում»,- X-ում գրել է ԵՄ-ում Բելգիայի նախագահությունը՝ այն անվանելով ԵՄ-ի կողմից հաստատված պատմամիջոցներից «ամենալայներից մեկը»:
Reuters-ի հաղորդմամբ էլ՝ պատժամիջոցների նոր փաթեթը կներառի մոտ 200 իրավաբանական և ֆիզիկական անձի, սակայն նոր ոլորտային միջոցառումներ չեն լինի։
AFP-ն նշում է, որ փաստաթղթի նախագիծը, որին նախկինում ծանոթացել է, ներառել է նաև առաջարկներ՝ սահմանափակելու չինական երեք ընկերություններից արտահանումը ռուս զինվորականների մատակարարումների, ինչպես նաև Հյուսիսային Կորեայի պաշտպանության նախարարին սև ցուցակում ընդգրկելու համար՝ Մոսկվային հրթիռներ մատակարարելու համար:
Պատժամիջոցների 13-րդ փաթեթը պաշտոնապես հաստատվելու է փետրվարի 24-ին Ռուսաստանի՝ Ուկրաինա ներխուժման մեկնարկի երկրորդ տարելիցին։
