12.08.2026 | 00:10
«Արարատ-Արմենիան» դուրս մնաց Չեմպիոնների լիգայից. ՏԵՍԱՆՅՈՒԹ
ԱՄՆ-ն իր դաշնակիցներին զգուշացրել է, որ ՌԴ-ն տիեզերք միջուկային զենք կարձակի այս տարի
Քաղաքականություն
21.02.2024 | 22:18
Ռուսաստանը կարող է միջուկային զենք կամ կեղծ մարտագլխիկ տեղակայել տիեզերքում արդեն այս տարի: Այդ զինատեսակների թիրախները կլինեն այլ պետությունների արբանյակները։ Այս մասին ԱՄՆ-ն զգուշացրել է իր դաշնակիցներին, Bloomberg-ին հայտնել են իրազեկ աղբյուրները։
Ըստ աղբյուրների՝ Ռուսաստանը չի ծրագրում տիեզերքում որևէ ուղեծրային զենք պայթեցնել, սակայն վթարի վտանգ կա: Վաշինգտոնը գնահատում է, որ հնարավոր միջուկային պայթյունը կարող է ազդել արբանյակների մոտ մեկ երրորդի վրա և վնասել Երկրի վրա գտնվող կապի համակարգերը:
Ընդհանուր առմամբ, ուղեծրում կա մոտ 7800 ակտիվ արբանյակ, համաձայն ՄԱԿ-ի Տիեզերական գործերի գրասենյակի տվյալների:
Միջուկային զենքի՝ ուղեծրում տեղադրելը կխախտի 1967 թվականի Տիեզերքի մասին պայմանագիրը, որը ստորագրել է Ռուսաստանը: ՌԴ նախագահ Վլադիմիր Պուտինը փետրվարի 20-ին հայտարարել է, որ Մոսկվան չի նախատեսում տիեզերքում միջուկային զենք տեղակայել։
«Մենք միշտ կտրականապես դեմ ենք եղել դրան և դեմ ենք հիմա։ Տիեզերքում մենք անում ենք միայն այն, ինչ ունեն այլ երկրներ, ներառյալ Միացյալ Նահանգները»,- ասել է Պուտինը պաշտպանության նախարար Սերգեյ Շոյգուի հետ հանդիպմանը։
