21.06.2026 | 02:11
ԱԱ-2026. Գերմանիան կամային հաղթանակի հասավ վերջնամասում. ՏԵՍԱՆՅՈՒԹ
ՌԴ-ն պատրաստ է համագործակցել Անկարայի հետ թուրքական Kaan կործանիչի նախագծում
Քաղաքականություն
21.02.2024 | 23:30
Ստամբուլում Ռուսաստանի գլխավոր հյուպատոս Անդրեյ Բուրավովը հայտարարել է, որ ռուսական ընկերությունները պատրաստ են համագործակցել թուրքական կողմի հետ՝ հինգերորդ սերնդի Kaan կործանիչների նախագծի իրականացման հարցում։ Նա պատասխանել է Aydınlık թերթի հարցին՝ կապված այս ծրագրին Ռուսաստանի մասնակցության, տեխնոլոգիաների փոխանակման և համատեղ արտադրության հեռանկարների հետ, փոխանցում է ՏԱՍՍ-ը։
«Այդ համատեքստում մենք նաև ցանկանում ենք զարգացնել ռազմատեխնիկական համագործակցությունը։ Նախկինում առաջարկներ եղել են մեր կողմից։ Տարբեր մակարդակներում աշխատանքներ են տարվել նաև մեր պաշտոնական կառույցների և ընկերությունների միջև, այդ թվում՝ այդ ինքնաթիռների վրա համատեղ աշխատանքի վերաբերյալ։ Մեր համապատասխան ընկերությունները և ստորաբաժանումներն ասել են, որ պատրաստ են միասին աշխատել: Բայց, իհարկե, կոնկրետ ասպեկտներ պետք է քննարկվեն կոնկրետ ընկերությունների միջև»,- ասել է գլխավոր հյուպատոսը:
Հավելենք, որ ավելի վաղ լրատվամիջոցները տեղեկություններ էին հայտնել, որ Ուկրաինան մասնակցում է թուրքական այս կործանիչի շարժիչի մշակմանը և լինելու է դրա առաջին գնորդներից։
Թուրքական լրատվամիջոցների հաղորդմամբ՝ այսօր տեղի է ունեցել հինգերորդ սերնդի KAAN կործանիչի առաջին թռիչքը։
Էմմա Չոբանյան
