18.12.2025 | 23:24
ՀՀ տարածքում ավտոճանապարհները հիմնականում անցանելի են
Ադրբեջանցի բլոգեր Քյամիլ Զեյնալի նկատմամբ միջպետական հետախուզումը հայտարարվել է սպանության մեղադրանքով
Հասարակություն
21.02.2024 | 13:22
Ադրբեջանցի հայտնի բլոգեր ու ֆիթնես մարզիչ Քյամիլ Զեյնալին, որը երեկ գիշեր Մոսկվայի «Դոմոդեդովո» օդանավակայանում Բաքու վերադառնալիս ձերբակալվել է, Հայաստանի կողմից հետախուզվում է սպանության մեղադրանքով։
«Այդ անձի նկատմամբ սպանության մեղադրանքով կա հայտարարված միջպետական հետախուզում»,- Factor.am-ի հետ զրույցում ասաց Ներքին գործերի նախարարի մամուլի քարտուղար Նարեկ Սարգսյանը՝ զերծ մնալով այլ մանրամասներ հաղորդելուց։
Գլխավոր դատախազությունը ևս այլ տեղեկություններ չի տրամադրում։ Գերատեսչության լրատվական բաժնից Factor.am-ին հայտնում են, որ Քյամիլ Զեյնալիին ձերբակալելու մասով պաշտոնական տեղեկության չեն տիրապետում
Այս ընթացքում ադրբեջանական մամուլը գրում է, որ Քյամիլ Զեյնալիին մեղադրանք է առաջադրվել ՀՀ Քրեական օրենսգրքի 4 հոդվածով՝ 135 (Մարդկության դեմ հանցագործություն), 137 (Պատերազմական հանցագործություններ), 140 (Պատերազմական հանցագործություններ՝ պատերազմի արգելված մեթոդներով), 147 (Վարձկանների հավաքագրում) և 149 (Ագրեսիա) հոդվածներով։ Նրա փաստաբան Ալեքպեր Գարաևը հայտարարել էր, որ բլոգերը ձերբակալվել է Հայաստանի պահանջով։
Ռոզա Վարդանյան
