12.08.2026 | 11:06
Մեկնարկել են Բաղրամյանի հրշեջ-փրկարարական ջոկատի նոր վարչական շենքի շինաշխատանքները․ ՆԳ նախարարը հետևել է ընթացքին
Հյուսիսային Կորեայի հրթիռներում արևմտյան բաղադրիչներ են հայտնաբերվել
Քաղաքականություն
21.02.2024 | 14:15
Հյուսիսային Կորեայում արտադրված հրթիռի բեկորներում, որոնք ընկել են Խարկովում, հայտնաբերվել են ոչ հյուսիսկորեական արտադրության 290 էլեկտրոնային բաղադրիչներ։ Այդ սարքավորումներից շատերը կարելի է կապել ԱՄՆ-ից, Գերմանիայից և արևմտյան այլ երկրներից ընկերությունների հետ, ասվում է Կոնֆլիկտային սպառազինության հետազոտությունների բրիտանական կենտրոնի (CAR) հրապարակած զեկույցում։
Բրիտանացի վերլուծաբանները նաև նշում են, որ խնդրո առարկա բաղադրիչների զգալի մասը, ըստ մակնշման, արտադրվել է վերջին երեք տարվա ընթացքում։ Իսկ սա նշանակում է, որ այդ հրթիռը կարող էր մատակարարվել Ռուսաստան միայն 2022 թվականի փետրվարին Ուկրաինա լայնամասշտաբ ներխուժումից հետո։
Սա մի կողմից նշանակում է, որ Հյուսիսային Կորեան շարունակում է հաջողությամբ շրջանցել միջազգային պատժամիջոցները, որոնք արգելում են բալիստիկ հրթիռների բաղադրիչներ մատակարարել Փհենյանին, նշվում է CAR-ի զեկույցում։ Մյուս կողմից՝ սա ցույց է տալիս, թե Հյուսիսային Կորեայի ռազմական արդյունաբերությունը որքանով է կախված արտաքին մատակարարումներից։
Հիմնականում բաղադրիչները եղել են հրթիռի նավիգացիոն համակարգի մեջ, պարզաբանել են վերլուծաբանները։
