22.07.2026 | 23:29
СHP-ի նկատմամբ ճնշումների ֆոնին՝ Թուրքիայի ընդդիմության առաջնորդը հայտնել է նոր կուսակցություն ստեղծելու մասին
Ռուսական բանակին պակասում է մարտունակությունը Ավդեևկայի գրավումից օգտվելու համար․ բրիտանական հետախուզություն
Քաղաքականություն
20.02.2024 | 21:47
Ավդեևկայի գրավումից հետո ռուսական ուժերին ժամանակ է անհրաժեշտ վերազինվելու համար, սակայն հաջորդող շաբաթներին նրանք կփորձեն շարունակել հարձակումը։ Այս մասին ասվում է բրիտանական հետախուզության զեկույցում, գրում է BBC-ի ռուսական ծառայությունը։
«Վերջին շաբաթվա ընթացքում ռուսական ուժերը վերահսկողության տակ են վերցրել Ավդեևկան և քաղաքից հյուսիս գտնվող քիմիական գործարանը, որոնց համար կատաղի մարտեր էին ընթանում 2023 թվականի հոկտեմբերից և գտնվում էին առաջնագծում 2014 թվականից»,- ասվում է զեկույցում։
Նշվում է, որ ուկրաինական ուժերը նահանջել են պաշտպանական դիրքեր Ավդեևկայից դեպի արևմուտք։
«Ռուսական ուժերը, հավանաբար, չունեն մարտունակություն՝ անմիջապես օգտվելու Ավդեևկայի գրավումից, և որոշ ժամանակ կպահանջվի՝ հանգստանալու և վերազինվելու համար: Առաջիկա շաբաթների ընթացքում Ռուսաստանը, ամենայն հավանականությամբ, կփորձի աստիճանաբար ընդլայնել վերահսկողությունն Ավդեևկայից դուրս գտնվող տարածքների նկատմամբ»,- եզրակացնում են բրիտանական հետախուզության պաշտոնյաները։
