07.11.2026 | 11:33
ԱԺ վարչատնտեսական վարչության պետի նկատմամբ ծառայողական քննություն է նշանակվել
Թուրքիայի կրթության նախարարությունն արգելել է Զատիկն ու Սուրբ Ծնունդը նշել մասնավոր դպրոցներում
Քաղաքականություն
19.02.2024 | 22:29
Թուրքիայի կրթության նախարարությունը վերանայել է մասնավոր ուսումնական հաստատությունների կանոնակարգը և այժմ արգելում է նշել «արևմտյան տոները», ինչպիսիք են Սուրբ Ծնունդը, Զատիկը (Հարության տոն) և Հելոուինը։ Նշվում է, որ դրանք «միջոցառումներ են, որոնք հակասում են ազգային և մշակութային արժեքներին և չեն կարող նպաստել աշակերտների հոգեսոցիալական զարգացմանը»։
«Հաստատություններում չեն անցկացվի միջոցառումներ և տոնակատարություններ, որոնք հակասում են թուրք ազգի ազգային, բարոյական, մարդկային, հոգևոր և մշակութային արժեքներին և չեն նպաստում ուսանողների հոգեսոցիալական զարգացմանը»,- ասվում է տեղեկագրում։
Դպրոցներից պահանջվում է օգտագործել միայն նախարարության կողմից հաստատված դասագրքեր՝ ընդգծելով կրթական բովանդակության նկատմամբ կառավարության վերահսկողությունը:
Այս ամենը հետևում է դպրոցներում արևմտյան տոները նշելու վերաբերյալ ծնողների բողոքներին, ինչը նախարարությանը դրդել է հրահանգ տալ՝ դպրոցական գործունեությունը համապատասխանեցնել թուրքական ազգային կրթության սկզբունքներին:
Մասնավոր ուսումնական հաստատությունների գլխավոր տնօրեն Ֆեթուլլահ Գյուներն այս փոփոխությունների ակտիվ ջատագովն ու նախաձեռնողներից է։ Վերջերս նա հայտարարել էր «թուրքական մշակութային ինքնության պահպանման կարևորությունը»՝ զգուշացնելով, որ «ազգային արժեքներից շեղվող դպրոցները կարող են փակվել»։
