12.09.2026 | 23:46
Գյումրիում 64-ամյա տղամարդը դանակահարել է հարևաններին՝ հորն ու որդուն․ որդին մահացել է
Բաքուն հայտարարել է, թե Ադրբեջանի էքսպանսիոնիզմի մասին ԵՄ պնդումներն «անհիմն» են
Քաղաքականություն
15.02.2024 | 22:03
Ադրբեջանի նախագահի հատուկ հանձնարարությունների գծով ներկայացուցիչ Էլչին Ամիրբեկովը Brussels Signal-ին տված հարցազրույցում հայտարարել է, թե ԵՄ որոշ պաշտոնյաների հայտարարությունները Բաքվի էքսպանսիոնիզմի քաղաքականության մասին, իբր, անհիմն են, գրում են ադրբեջանական լրատվամիջոցները։
Նա հերքել է ԵՄ արտաքին քաղաքականության և անվտանգության հարցերով բարձր ներկայացուցիչ Ժոզեպ Բորելի հայտարարություններն այն մասին, որ Ադրբեջանը տարածքային պահանջներ ունի Հայաստանի նկատմամբ։
«Ադրբեջանը տարածքային պահանջներ չունի Հայաստանից»,- ասել է Ամիրբեկովը։
Ավելի վաղ Ժոզեպ Բորելը, արձագանքելով Իլհամ Ալիևի՝ ՀՀ-ի նկատմամբ հնչեցրած տարածքային հավակնություններին, նշել էր, որ Հայաստանի տարածքային ամբողջականության ցանկացած խախտում կհանգեցնի Բաքվի համար լուրջ հետևանքների։
«Ալիևի տարածքային հավակնությունները լուրջ անհանգստություն են առաջացնում։ Հայաստանի տարածքի և ինքնիշխանության ցանկացած խախտում լրջագույն հետևանքներ կունենա Ադրբեջանի հետ մեր հարաբերությունների վրա»,- հայտարարել էր Բորելը։
Ի դեպ, նախօրեին էլ Ալիևը Հայաստանին հերթական անգամ ռազմական ագրեսիայով է սպառնացել։
Էմմա Չոբանյան
