07.12.2025 | 12:05
Ով է պատարագիչ քահանան Յոթ Վերք եկեղեցում
Բաքվին ոչ ոք չի կարող կանգնեցնել․ Ալիևը կրկին սպառնացել է Հայաստանին
Քաղաքականություն
14.02.2024 | 18:11
Ադրբեջանի նախագահ Իլհամ Ալիևն այսօր Մեջլիսում տեղի ունեցած երդմնակալության արարողության ժամանակ ունեցած ելույթում հերթական անգամ Հայաստանին ուղղված սպառնալիքներ է հնչեցրել։
«Հետպատերազմյան շրջանում մենք մեր սկզբունքային դիրքորոշումն ենք դրսևորել բոլոր հարցերի վերաբերյալ։ Հայաստանի ստանձնած բոլոր պարտավորությունները պետք է կատարվեն։ Սակայն ժամանակի ընթացքում մենք կրկին ականատեսն ենք տարածքային պահանջների, նրանք չեն ցանկանում կրկին հրաժարվել իրենց կեղտոտ գործերից»,- ասել է Ալիևը։
Նա կրկին Հայաստանին ագրեսիայով է սպառնացել։
«Հայաստանը, երևում է, մոռացել է Ղարաբաղյան երկրորդ պատերազմի արդյունքները։ Գուցե ինչ-որ մեկը նրանց ինչ-որ խորհուրդ է տվել, որ այդ պարտավորությունները չկատարվեն»,- հայտարարել է նա։
Ալիևը նշել է, թե Բաքուն Հայաստանի նկատամամբ տարածքային պահանջներ չունի և, իբր, Երևանը պետք է հրաժարվի իր պահանջներից։
«Եթե Հայաստանն իր օրենսդրությունը նոր տեսքի չբերի ու չհրաժարվի Ադրբեջանի նկատմամբ տարածքային պահանջներից, խաղաղության պայմանագիր չի լինի»,- ասել է նա՝ նշելով, թե Բաքվին «ոչ ոք չի կարող կանգնեցնել»։
Էմմա Չոբանյան
