28.04.2026 | 11:55
Բարձրագույն դատական խորհուրդը Սնանկության դատարանի նախագահի պաշտոնում առաջարկել է Գարիկ Ավագյանի թեկնածությունը
Ստոլտենբերգը հայտարարել է Սև ծովում «ուկրաինացիների մեծ հաղթանակի մասին»՝ ռուսական դեսանտային նավի ենթադրյալ խորտակումից հետո
Քաղաքականություն
14.02.2024 | 22:02
ՆԱՏՕ-ի գլխավոր քարտուղար Յենս Ստոլտենբերգը մեկնաբանել է ռուսական խոշոր դեսանտային «Կեսար Կունիկով» նավի ենթադրյալ խորտակումը՝ բարձր գնահատելով ուկրաինական զինված ուժերի հաջողությունները Սև ծովում, գրում է BBC-ի ռուսական ծառայությունը:
«Ուկրաինացիները կարողացան լուրջ վնաս հասցնել Ռուսաստանի Սևծովյան նավատորմին։ Եվ սա մեծ ձեռքբերում է, մեծ հաղթանակ»,- ասել է Ստոլտենբերգը մամուլի ասուլիսի ժամանակ։
«Նրանք կարողացան հետ մղել ռուսական սևծովյան նավատորմն ու բացել ծովային միջանցք, այդ պատճառով էլ հիմա Ուկրաինան կարող է հացահատիկ ու այլ ապրանքներ արտահանել համաշխարհային շուկա։ Ընդամենը մի քանի ամիս առաջ քչերն էին հավատում, որ դա հնարավոր է, սակայն այժմ փաստացի տեղի է ունենում հացահատիկի արտահանում Ուկրաինայից՝ չնայած Ռուսաստանի հետ համաձայնության բացակայությանը։ Սա ցույց է տալիս ուկրաինական զինված ուժերի հմտություններն ու կոմպետենտությունը։ Սա առաջին հերթին նրանց գործողությունների, հնարամտության, հմտությունների, քաջության արդյունքն է, բայց, իհարկե, կարևոր է նաև ՆԱՏՕ-ի դաշնակիցների օգնությունն ու աջակցությունը»,- ասել է Ստոլտենբերգը:
