07.10.2026 | 23:48
Արթուր Դանիելյանը կալանավորվեց
Ֆրանսիան արևմտյան երկրներում ռուսական քարոզչություն տարածող 193 կայքից բաղկացած ցանց է հայտնաբերել
Քաղաքականություն
13.02.2024 | 23:12
Ֆրանսիական կառավարական VIGINUM գործակալությունը, որը պատասխանատու է օտարերկրյա թվային միջամտությունից պաշտպանվելու համար, հայտարարել է, որ հայտնաբերել է արևմտյան երկրներում ռուսական քարոզչություն տարածող կայքերի «կառուցված և համակարգված» ցանց, փոխանցում է Meduza-ն։
Ծառայության տվյալներով՝ այն բաղկացած է առնվազն 193 կայքից։ Սկզբում դրանք լուրեր են հրապարակել ռուսական և ուկրաինական բնակավայրերից, իսկ ներխուժումից հետո ցանցը վերաուղղորդվել է դեպի արևմտյան երկրների բնակիչները, որոնք աջակցում են Ուկրաինային, այդ թվում՝ Ֆրանսիան։
Ցանցը, որը ստացել է Portal Kombat անվանումը, հրապարակում է նյութեր, որոնք հիմնավորում են ռուսական զորքերի ներխուժումն Ուկրաինա և վարկաբեկում Ուկրաինայի ղեկավարությանը։ Ըստ ծառայության՝ կայքերը սեփական բովանդակություն չեն ստեղծում, այլ ուղղակի տարածում են հրապարակումներ երեք տեսակի աղբյուրներից՝ ռուսական կամ ռուսամետ գործիչների սոցցանցերից, ռուսական տեղեկատվական գործակալություններից և պետական կառույցներից։
Այսպիսով, 2023 թվականի հունիսի 23-ից սեպտեմբերի 19-ն ընկած ժամանակահատվածում այս կայքերում հրապարակվել է ավելի քան 150 հազար նյութ։
Հաղորդվում է նաև, որ ցանցում ընդգրկված կայքերը շատ նման են միմյանց։ Դրանց մի մասն օգտագործում է «pravda» բառը՝ որպես դոմեյնի անուն, որը տարբեր ընդլայնումներ ունի՝ կախված լեզվից, օրինակ՝ pravda-en.com անգլերեն կայքի համար, pravda-fr.com՝ ֆրանսիական կայքի համար։
