Քաղաքականություն
12.02.2024 | 22:40
Անցած տարի պատերազմի ու հակամարտությունների վրա ծախսվել է 17 տրիլիոն դոլար․ սրանք այն միջոցներն են, որոնք չեն հասել բարեկեցությանն ու փրկությանը, այդ թվում՝ առողջապահությանը, կրթությանն ու կառուցմանը։ Այս մասին Դուբայում Համաշխարհային կառավարական ֆորումի բացման ժամանակ ասել է ԱՄԷ-ի նախարարների կաբինետի և ապագայի հարցերով նախարարը և ֆորումի ղեկավար Մուհամմեդ Աբդուլլահ ալ-Գերգավին, փոխանցում է korrespondent-ը։
Նրա խոսքով՝ այս գումարի մոտ 6%-ը կարող է մեկ տարվա ընթացքում հոգալ մարդկության առջև ծառացած ամենակարևոր մարտահրավերների ծախսերը, ինչպիսիք են սովի ու անգրագիտության վերացումը, քաղցկեղի դեմ պայքարին աջակցելը կամ մարդկությանը մաքուր ջրով ապահովելը։
«Պատկերացրեք, թե ինչի կարելի էր հասնել, եթե մենք ավելի շատ ներդրումներ կատարեինք մարդկության առջև ծառացած այլ խնդիրների լուծման համար»,- ասել է նախարարը։
