12.08.2026 | 11:06
Մեկնարկել են Բաղրամյանի հրշեջ-փրկարարական ջոկատի նոր վարչական շենքի շինաշխատանքները․ ՆԳ նախարարը հետևել է ընթացքին
Արևմուտքն ու Իսրայելը փակուղում են․ Սիրիայի նախագահ
Քաղաքականություն
11.02.2024 | 22:35
ԱՄՆ-ի գործողությունները սպառնում են ընդլայնել հակամարտության մասշտաբները Մերձավոր Արևելքում, հայտարարել է Սիրիայի նախագահ Բաշար ալ-Ասադը Դամասկոսում Իրանի արտգործնախարար Հոսեյն Ամիր Աբդոլլահիանի հետ հանդիպմանը։ Այս մասին հաղորդում է ՌԻԱ Նովոստի-ն։
Աբդոլլահիանը կիրակի օրը ժամանել է Դամասկոս՝ բանակցելու սիրիացի մի շարք պաշտոնյաների հետ։
«Իրանի արտաքին գործերի նախարար Հոսեյն Ամիր Աբդոլլահյանի հետ հանդիպման ժամանակ նախագահ Բաշար ալ-Ասադն ասել է, որ Գազայի հատվածի դեմ Իսրայելի շարունակվող ագրեսիայի վերաբերյալ ԱՄՆ-ի պահվածքը սպառնում է ընդլայնել հակամարտության շրջանակը՝ սիոնիստական կազմակերպությանը (Իսրայել – խմբ.) մահաբեր զենքի շարունակական մատակարարման և Մերձավոր Արևելքի տարբեր շրջանների վրա Վաշինգտոնի հարձակումների պատճառով»,- ասվում է Ասադի գրասենյակի հայտարարության մեջ։
Ասադն ընդգծել է, որ Արևմուտքն ու Իսրայելը փակուղում են։ Նրա խոսքով՝ Պաղեստինի, Սիրիայի և Լիբանանի դեմ իսրայելական էսկալացիան ոչ այլ ինչ է, քան փակուղուց դուրս գալու փորձ։
