05.06.2026 | 02:00
ՌԴ-ից մարդկանց ստիպելով բերում են իրենց օգտին քվեարկելու․ Փաշինյանը՝ «Ուժեղ Հայաստանի» մասին․ ՏԵՍՆՅՈՒԹ
Մշակվում է առողջապահական ենթակառուցվածքների զարգացման գլխավոր նախագիծը
09.02.2024 | 22:22
Առողջապահության նախարարությունը Ասիական զարգացման բանկի հետ մշակում է Երևանի և մարզերի առողջապահական ենթակառուցվածքների զարգացման գլխավոր նախագիծը: Այս մասին տեղեկացնում են նախարարությունից։
«Առողջապահության նախարար Անահիտ Ավանեսյանն այսօր Ասիական զարգացման բանկի (ԱԶԲ) հայաստանյան մշտական առաքելության տնօրեն Դոն Լամբերտի հետ հանդիպմանն անդրադարձել է համատեղ իրականացվող բժշկական օգնության որակի բարելավման մարդկային ներուժի զարգացման, էլեկտրոնային առողջապահության ռազմավարությունների իրականացման ընթացքին:
Նախարարն ընդգծել է ՀՀ կառավարության 2021-2026 թվականի ծրագրով հանրապետության բժշկական կենտրոնների կառուցման, վերակառուցման և վերազինման ակտիվ փուլում պետության կողմից և միջազգային գործընկերների հետ իրականացվող ծրագրերը համապատասխանեցնելու, ենթակառուցվածքների նկատմամբ միասնական պահանջներ սահմանելու կարևորությունը»,- ասված է հաղորդագրությունում:
