07.10.2026 | 10:55
Մեսին գոլ ու 2 ասիստ է գրանցել Արգենտինայի հավաքականում հրաժեշտի խաղում. ՏԵՍԱՆՅՈՒԹ
Ուկրաինան և Դանիան անվտանգության համաձայնագիր են պատրաստում
Քաղաքականություն
08.02.2024 | 22:23
Ուկրաինան մանրամասն բանակցություններ է սկսել Դանիայի հետ անվտանգության երկկողմ պարտավորությունների կնքման շուրջ։ Korrespondent-ի փոխանցմամբ՝ այս մասին հայտնել են Ուկրաինայի նախագահի աշխատակազմից։
«Բանակցությունները սկսվել են Ուկրաինային աջակցության մասին G7-ի համատեղ հռչակագրի իրականացման շրջանակում, որին Դանիան, սկանդինավյան երկրների հետ միասին, առաջիններից մեկն էր, որ միացավ»,- ասվում է հայտարարության մեջ:
Բանակցություններում ուկրաինական պատվիրակությունը գլխավորել է նախագահի գրասենյակի ղեկավարի տեղակալ Իգոր Ժովկվան, դանիական պատվիրակությունը՝ ԱԳՆ պետքարտուղար Լիզբեթ Զիլմեր-Յոնսը։ Կողմերը քննարկել են անվտանգության ապագա երկկողմ պարտավորությունների հիմնական տարրերը և համաձայնեցրել հետագա բանակցությունների ժամանակացույցը։
«Անվտանգության ոլորտում Դանիայի պարտավորությունները հաստատում են այն անսասան և ուժեղ աջակցությունը, ներառյալ ռազմական օգնությունը, որը նա տրամադրել է մեր երկրին ռուսական ագրեսիայի սկզբից ի վեր»,- հավելել են Ուկրաինայի նախագահի աշխատակազմից:
