12.08.2026 | 11:06
Մեկնարկել են Բաղրամյանի հրշեջ-փրկարարական ջոկատի նոր վարչական շենքի շինաշխատանքները․ ՆԳ նախարարը հետևել է ընթացքին
«Մայր Հայաստանը» դատապարտում է ավագանու անդամներին մանդատներից զրկելու որոշումը և այն վիճարկելու է դատական կարգով
Քաղաքականություն
07.02.2024 | 23:24
«Մայր Հայաստան» շարժումը հայտարարություն է տարածել, որով դատապարտել է ավագանու անդամներին մանդատներից զրկելու որոշումը՝ նշելով, որ այն վիճարկելու է դատական կարգով։
«Երևանի ավագանու արտահերթ նիստում որոշվել է «Մայր Հայաստան» խմբակցությունը ներկայացնող Սոնա Աղեկյանին, Նարինե Հայրապետյանին և «Ազգային առաջընթաց» խմբակցությունից Հայկ Մարությանին զրկել Երևանի ավագանու անդամակցությունից:
Ակնհայտ է, որ գործ ունենք կուլիսային և ապօրինի գործընթացների հետ: Առկա է նաև «Մայր Հայաստան»-ի դեմ քաղաքական հետապնդման բացահայտ դրսևորում»,- մասնավորապես ասված է հայտարարության մեջ:
«Մայր Հայաստանը» նշել է, որ որոշումը կայացվել է Երևանի քաղաքային տրանսպորտի թանկացմանն ընդառաջ:
«Մայր Հայաստանը» պայքարելու է քաղաքային տրանսպորտի և մյուս ծառայությունների գների բարձրացման դեմ՝ ամեն ինչ անելով, որպեսզի դրանք կյանքի չկոչվեն և պաշտպանվեն քաղաքացու շահերը»,- ասված է հայտարարության մեջ։
Հիշեցնենք․ որ Հայկ Մարությանը, Սոնա Աղեկյանը, Նարինե Հայրապետյանը ավագանու որոշմամբ զրկվել են մանդատներից։
