Ավելի քան 90 տոկոս ձայն՝ ըստ exit-poll-ի․Ալիևն արդեն շնորհավորանքներ է ստանում

Ադրբեջանի գործող նախագահ Իլհամ Ալիևը, ըստ exit-poll-ի արդյունքների, նախագահական ընտրություններում հավաքում է ձայների ավելի քան 90 տոկոսը։ Ադրբեջանի սոցիալական հետազոտությունների կենտրոնի exit-poll-ի արդյունքներով Ալիևը հավաքում է ձայների 92,4 տոկոսը, իսկ Oracle Advisory Group կազմակերպության ուսումնասիրության համաձայն Ալիևը ստացել է ձայների 93,9%-ը։

Ադրբեջանի ԿԸՀ-ը ձայների հաշվարկի նախնական տվայլներ չի հրապարակում։ Ըստ հանձնաժողովի՝ Ադրբեջանում արտահերթ նախագահական ընտրություններին քվեարկել է 4 մլն 971,032 հազար ընտրող կամ քվեարկելու իրավունք ունեցողների 76,73 տոկոսը։ Ընտրատեղամասերը փակվել են ժամը 19։00-ին։ Չնայած ընտրությունների նախնական արդյունքներն անգամ չեն հրապարակվել՝ Ալիևն արդեն շնորհավորանքներ ստանում։ Առաջինը Ալիևին զանգահարել և շնորհավորել են Ուզբեկստանի նախագահ Շավքաթ Միրզոևը և Բելառուսի նախագահ Ալեքսանդր Լուկաշենկոն։ Ավելի ուշ Ալիևին է զանգահարել ու շնորհավորել Թուրքիայի նախագահ Ռեջեփ Թայիփ Էրդողանը։ Իրաքի ուՍերբիայի նախագահները, ինչպես նաև Հունգարիայի վարչապետը ևս շնորհավորել են Ալիևին։

Հավելենք, որ Ադրբեջանում ընտրությունները ուղեկցվում էին զանգվածային լցոնումներով ու ընտրախախտումներով։

Նշենք, որ Իլհամ Ալիևից զատ՝ ընտրություններին մասնակցում էր ևս 6 թեկնածու՝ Մեջլիսի պատգամավոր և Սոցիալական հետազոտությունների կենտրոնի խորհրդի նախագահ Զահիդ Օրուջը, պատգամավոր Ռազի Նուրուլլաևը, մեկ այլ պատգամավոր՝ «Համայն Ադրբեջանի ժողովրդական ճակատ» կուսակցության ղեկավար Գուդրաթ Հասանգուլիևը, «Մեծ արարում» կուսակցության ղեկավար և խորհրդարանի պատգամավոր Ֆազաիլ Մուստաֆան, Ադրբեջանի Լիբերալ-դեմոկրատական կուսակցության նախկին ղեկավար Ֆուադ Ալիևը, «Մեծ Ադրբեջան» կուսակցության նախագահ Էլշադ Մուսաևը։ Նրանք, սակայն, իրականում գործող իշխանությունների աջակիցներն են։

Էմմա Չոբանյան