25.11.2024 | 12:35
Վրաստանի ՆԳՆ-ն ջրցան մեքենաներ և հատուկ ջոկատայինների է տեղակայել խորհրդարանի շենքի մոտ
Թուրքիայում 2023թ․ տասնամյակի ամենաքիչ բնակչության աճն է գրանցվել
Քաղաքականություն
07.02.2024 | 23:30
Թուրքիայի վիճակագրական վարչությունը (TÜİK) հայտնել է, որ երկրի բնակչությունը վերջին մեկ տարում աճել է 92,824 մարդով և հասել 85,372,377-ի, որը տասնամյակի ամենաքիչ աճն է, գրում է Duvar-ը։
2023 թվականի բնակչությունն ավելացել է 2022-ի ցուցանիշից մեկ հինգերորդով պակաս թվով:
Նշվում է, որ անցյալ տասնամյակի վեց տարում բնակչությունն ավելացել է ավելի քան մեկ միլիոն մարդով։ Մինչև 2023 թվականն ամենացածր աճը գրանցվել է 2020 թվականին՝ COVID-19 համաճարակի առաջին տարում՝ 459,300 մարդ:
Սոցցանցերում աճի դանդաղումը վերագրվում է փետրվարի 6-ի երկրաշարժերին: 2022 թվականի մարդահամարի համեմատ՝ նկատվել է ավելի քան 500,000 մարդու անհամապատասխանություն։ Վերջերս թարմացված պաշտոնական տվյալների համաձայն՝ երկրաշարժերի զոհերի թիվը հասնում է 53,500-ի:
Լրատվամիջոցը գրում է, որ անհասկանալի է մնում՝ արդյո՞ք բնակչության թվի աճի նվազումը կարող է վերագրվել միայն երկրաշարժից մահացություններին, քանի որ կառավարության զեկույցը չի ներառում վերլուծություն։ Մարդահամարի տվյալներով՝ Թուրքիայի քաղաքացիների 50,1 տոկոսն արական սեռի, 49,9 տոկոսը՝ իգական սեռի ներկայացուցիչներ են։
