12.08.2026 | 11:59
Արման Եղոյանի ճեպազրույցը. ՈՒՂԻՂ
Աֆրիկայում խոլերայի բռնկումը սաստկանում է․ ԱՀԿ
Քաղաքականություն
06.02.2024 | 22:14
Միայն այս տարվա հունվարին աֆրիկյան 10 երկրներում գրանցվել է խոլերայի 26 հազար դեպք և մահվան 700 դեպք, այլ երկրներ հիվանդության տարածման վտանգը շատ մեծ է։ Ժնևում կայացած ճեպազրույցում ասել է Առողջապահության համաշխարհային կազմակերպության Աֆրիկայի բյուրոյի ներկայացուցիչ Ֆիոնա Բրական, փոխանցում է ՌԻԱ Նովոստին։
«Այս տարվա առաջին չորս շաբաթների ընթացքում ԱՀԿ-ի աֆրիկյան տարածաշրջանի 10 երկրներում գրանցվել է ավելի քան 26,000 դեպք և 700 մահ, ինչը գրեթե կրկնապատկվել է 2023 թվականի նույն ժամանակահատվածում գրանցված դեպքերի թվի համեմատ»,- ասել է նա:
Բրական հավելել է, որ ներկայում բռնկումներ կան Զամբիայում, Զիմբաբվեում, Մոզամբիկում, Տանզանիայում, Կոնգոյի Դեմոկրատական Հանրապետությունում, Եթովպիայում և Նիգերիայում։
«Կա այլ երկրներում հետագա տարածման մեծ վտանգ, հատկապես, փոխանցման այս պիկ սեզոնի ընթացքում»,- ասել է ԱՀԿ-ի խոսնակը:
Խոլերան ծայրահեղ վարակիչ հիվանդություն է, որը փոխանցվում է աղտոտված սննդի կամ ջրի ընդունման միջոցով: Խոլերան կարող է առաջացնել ծանր, սուր, ջրային լուծ, իսկ հիվանդության ծանր ձևերը կարող են մահացու լինել ժամերի ընթացքում, եթե չբուժվեն:
